Абарона музэю Багдановіча. Жывы рэпартаж

Фоты з акцыі:

Пазьней на сайце Радыё Свабода — фота і відэа з акцыі.

Акцыя скончылася. Удзельнікі прасьпявалі «Пагоню» і разыйшліся.

Канцэрт ля помніка доўжыўся 15 хвілінаў.

Ля помніка Максіма Багдановіча адбываецца імправізаваны канцэрт Мельнікава і Хадановіча.

Прысутнічаюць 5 чалавек.

Удзельнікі акцыі сышлі ад музэю. Яны падыйшлі да мэмарыяльнай шыльды, а таксама да «сабачай будкі», якая зьявілася на месцы, дзе быў дом Багдановіча.

Мельнікаў і Хадановіч прасьпявалі некалькі песьняў на вершы Багдановіча.

Міліцыянты ўключылі сьвятло ў музэі, каб было бачна, што адбываецца на ганку.

Супрацоўнікі МУС здымалі сьпевы бардаў на відэа.

Пасьля кароткага канцэрту, удзельнікі акцыі рушылі ад будынку музэя да помніка Максіму Багдановічу, які знаходзіцца ля Опэрнага тэатру.

Людзі чытаюць вершы зь «Вянка», сьпяваюць «Зорку Вэнэру».

Міліцыянты не ўмешваюцца, толькі здымаюць удзельнікаў на відэа.

Прыйшоў бард Андрэй Мельнікаў зь гітарай, а таксама літаратар Андрэй Хадановіч.

Як толькі Хадановіч і Мельнікаў падыйшлі да музэю, з будынку выйшлі двое супрацоўнікаў міліцыі.

Міліцыянты нічога не робяць, толькі назіраюць.