Грамадзкі актывіст Андрэй Кабанаў паведаміў, што міліцыя затрымала ўсіх, хто сустракаў з турмы Юрыя Рубцова. Затрыманых вязуць у міліцыю Маскоўскага раёну Менску.
Сьвятлана Гарохавік, жонка Паўла Вінаградава, пацьвердзіла Радыё Свабода факт затрыманьня.
Сьвятлана Гарохавік, жонка Паўла Вінаградава, пацьвердзіла Радыё Свабода факт затрыманьня.
Сярод затрыманых былы палітвязень Павал Вінаградаў, Марына Цітова, рэжысэрка Вольга Мікалайчык, маці грамадзкай актывісткі Юліі Сьцяпанавай Аксана Сьцяпанава ды іншыя людзі.
4 лістапада Рубцова арыштавалі на трое сутак. Яго затрымалі 3-га пасьля шэсьця ў Курапаты. Падчас акцыі Дзяды Юры Рубцоў прайшоў у майцы, на адным баку якой было напісана «Лукашэнка, сыходзь!», а на другім — «Чатыры разы прэзыдэнт — не! Гэта не прэзыдэнт, а цар-самазванец». На пачатку шэсьця міліцыя патрабавала, каб Рубцоў зьняў майку. Аднак ён не паслухаўся.
