«Навошта нам кітайцы?» — рытарычна пыталіся людзі на абмеркаваньні смалявіцкага тэхнапарку

Жанчына запыталася, як жа так можна ставіцца да народа, які ня хоча парку і кітайцаў, што адным указам можна усё перакрэсьліць? Чыноўнікі адказваюць, што ня трэба казаць за увесь народ.



Чыноўнікі спрабуюць увогуле спыніць дыскусію, маўляў, пытаньні не па тэме.

Слуханьні скончыліся.


Беларусы супраць кітайскага парку: Мы нацыя наёмных рабоў

На слуханьнях паказалі рэклямны ролік пра новы «горад-сад».

«Навошта нам гэтыя карцінкі? Навошта нам кітайцы?»— задаюць рытарычныя пытаньні людзі.

Дачніца Аксана Зелянеўская ад імя дзьвюх тысяч дачнікаў патрабуе вынесьці пытаньне аб будаўніцтве парку на рэспубліканскі рэфэрэндум.

Народ пытаецца, хто будзе будаваць парк, хто будзе працаваць? Спадар Ярмак кажа, што беларусы. А кітайцаў будзе ня больш за 20 працэнтаў.



Чыноўнікі рэагуюць на вострыя пытаньні нэрвова.

Людзі пытаюцца, якія канкрэтна будуць заводы, хто інвэстар. Іх зноў спыняюць, маўляў, гэта ня тэма абмеркаваньня. Актывіст кампаніі «Гавары праўду» просіць назваць канкрэтных інвэстараў, зь якімі заключаныя дамовы. Адказу няма. Прэзыдыюм нэрвуецца.

Дачнікі раней перадалі лісты з 280 подпісамі мясцовых жыхароў і дачнікаў супраць будаўніцтва парку. Рэакцыі на пратэсты няма.

Людзі цікавяцца, якія тут будуць прадпрыемствы? Спадар Ярмак кажа, што гэта «тонкая хімія», біятэхналёгіі. І будуць яны будавацца ня толькі кітайцамі.

Дачніца Людміла Іванова пытаецца, ці законныя ўвогуле слуханьні, калі няма адказаў на скаргі ў суд і пракуратуру? Дырэктар адміністрацыі парку Аляксандар Ярмак ў адказ кажа, што усе праекты і пляны прайшлі дзяржаўныя экспэртызы.

Народ абураецца, што слуханьні праходзяць у нязручны час, у разгар працоўнага дня, калі бальшыня зацікаўленых ня можа сюды трапіць.

У ходзе дыскусіі высьвятляецца, што ёсьць дакумэнты для службовага карыстаньня, якія тычацца экалёгіі.

Дачнік Леанід Ракавец спрабуе высьветліць, ці будуць пасаджаныя новыя дрэвы замест высечанага лесу. Але з прэзыдыюму яго спыняюць.

Пасьля некалькіх «сухіх» справаздач начальнікаў дачнікі пачалі задаваць канкрэтныя пытаньні. Але на большую частку пытаньняў адмыслоўцы адказваюць, што яны тычацца не дэтальнага пляну, а генэральнага, які ужо абмяркоўваўся.

Як паведамляе карэспандэнт Свабоды зь месца падзеі, у залі сабралася каля 100 чалавек. Выступілі першы намесьнік гендырэктара кампаніі па разьвіцьці Кітайска-беларускага тэхнапарку Кірыл Карацееў, галоўны архітэктар праекту Жанна Сініцына.