Беларусы — трэція паводле колькасьці ахвяраў сталінскіх рэпрэсіяў
Раскопкі ў Курапатах
Беларусы — трэція паводле колькасьці ахвяраў сталінскіх рэпрэсіяў
Адкрыцьцё савецкіх архіваў дазволіла апублікаваць дакумэнты НКУС СССР, у якіх прыводзілася колькасьць зьняволеных у лягерах і калёніях ГУЛАГу ад 1930 па 1953 гг. паводле стану на 1 студзеня кожнага году.
Паводле аўтаркі кнігі «ГУЛАГ: гісторыя» (2003) Эн Эплбаўм, «лічбы для кожнага асобнага году ўводзяць у зман, бо яны маскіруюць надзвычай высокую цякучасьць кадраў лягернай сыстэмы... Напрыклад, у 1943 годзе, калі, паводле дакумэнтаў, празь лягерную сыстэму прайшлі 2 мільёны 421 тысяча чалавек. Хоць, паводле тых жа дакумэнтаў, колькасьць зьняволеных на пачатку і ў канцы таго году ўпала з 1 мільёна 500 тысяч да 1 мільёна 200 тысяч».
Акрамя таго, працягвае Эн Эплбаўм, «на сёньняшні дзень няма цалкам здавальняючай статыстыкі сьмяротнасьці або колькасьці высланых... Тым ня менш, пакуль гэтыя зборнікі, грунтаваныя на зьвестках Аддзелу рэгістрацыі зьняволеных, зьяўляюцца, мы павінны абапірацца на іх...»
