ТУРЫН. Новым прэзыдэнтам аўтамабільнага канцэрну “Фіят” стане кіраўнік даччынай фірмы “Фэрары” Люка Кардэра ды Мантэзэмола. Віцэ-прэзыдэнтам прызначаны Джон Элкан, спадкаемец імпэрыі Аньельлі, якая стаіць на чале “Фіяту” з моманту заснаваньня канцэрну ў 1899 годзе. У раду дырэктараў увойдзе таксама Андрэа Аньельлі, сын памерлага на мінулым тыдні былога прэзыдэнта “Фіяту” Умбэрта Аньельлі.