МААСТРЫХТ. Выканаўца абавязкаў прэзыдэнта Грузіі Ніно Бурджанадзэ сустрэнецца сёньня зь дзяржсакратаром Злучаных Штатаў Колінам Паўэлам падчас другога дня канфэрэнцыі Арганізацыі бясьпекі й супрацоўніцтва ў Эўропе. Учора Бурджанадзэ заявіла, што запрапануе Паўэлу абмеркаваць трохбаковы альянс Грузіі, Расеі й Злучаных Штатаў. Бурджанадзэ выказала меркаваньне, што ЗША могуць адыграць пазытыўную ролю пры вырашэньні Грузіяй унутраных праблем.
Канфэрэнцыя АБСЭ ў Маастрыхце ўхваліла ўчора выдзяленьне Грузіі 5,3 мільёна эўра на арганізаваньне прэзыдэнцкіх выбараў, прызначаных на 4 студзеня.