СТАКГОЛЬМ. Паліцыя Швэцыі заявіла, што мае фотаздымак чалавека, падазраванага ў забойстве міністра замежных справаў Анны Лінд. Як паведаміў прадстаўнік паліцыі, адлюстраваньне было атрыманае пасьля аналізу відэастужкі, зьнятай у гандлёвым цэнтры, дзе адбыўся замах. Напярэдадні ў Стакгольме дзесяткі тысячаў чалавек ўзялі ўдзел у жалобных цырымоніях, прысьвечаных памяці Лінд.