ПХЭНЬЯН. Паўночная Карэя адзначае сёньня 55-я ўгодкі ўтварэньня рэспублікі найбуйнейшым цягам апошніх гадоў вайсковым парадам. Чакаецца, што ў ім возьмуць удзел каля 20 тысячаў вайскоўцаў. Паводле паведамленьняў паўдзённакарэйскіх СМІ, Пхэньян зьбіраецца прадэманстраваць новую балістычную ракету, якая здольная зьнішчыць амэрыканскія вайсковыя аб'екты ў рэгіёне. Урачыстасці адбываюцца на тле крызысу вакол ядзернай праграмы КНДР.