БРУСЭЛЬ. Ад сёньняшняга дня цягам шасьці месяцаў старшыняваць у Эўразьвязе будзе Італія. У сваім учорашнім інтэрв’ю францускаму радыё прэм’ер-міністар Італіі Сільвіа Бэрлусконі заявіў, што Злучаныя Штаты і Эўразьвяз мусяць палітычна аб’яднацца. Бэрлусконі таксама адзначыў, што Эўразьвяз патрабуе ваенную сілу, каб мець магчымасьць прадэманстраваць сваю палітычную і дыпляматычную моц за мяжой.