Пад час візыту ў Анкару прэм’ер-міністар Італіі Сільвіа Бэрлусконі заявіў, што Эўропа стане вялікай толькі пасьля далучэньня да яе Турэччыны і Расеі. Бэрлусконі, у прыватнасьці, адзначыў: “Эўропа можа быць на роўных з ЗША толькі тады, калі яна будзе вялікай Эўропай – як з эканамічнага, гэтак і з ваеннага гледзiшча. Гэтага можна дасягнуць толькі пры ўмове, што Эўропа пашырыць свае межы, і ў яе склад увойдуць Турэччына, Украіна, Беларусь і Расейская Фэдэрацыя”.