ФАЛУДЖА (Ірак). У ірацкім месьце Фалуджа адбыўся напад на вайскоўцаў ЗША. Параненыя сем чалавек. Паводле заходніх інфармацыйных агэнстваў, двое невядомых кінулі на тэрыторыю ваеннай базы дзьве гранаты. Ад панядзелку ў Фалуджы амаль штодня адбываюцца сутычкі паміж удзельнікамі антыамэрыканскіх дэманстрацыяў і вайскоўцамі ЗША. Па вайскоўцах страляюць з натоўпу, а тыя адкрываюць вагонь ув адказ. Лекары й сьведкі цьвердзяць, што ў панядзелак былі забітыя 13 іракцаў і яшчэ трое загінулі ўчора.