БАГДАД. Сёньня амэрыканскі спэцадзьдзел і злучэньне марской пяхоты затрымалі зводнага брата Садама Гусэйна - Барзана Ібрагіма Хасана Аль-Тыкрыці. Ён фігураваў на 52 мейсцы ў сьпісе з 55 кіраўнікоў ірацкага рэжыму, якіх расшукваюць амэрыканскія войскі. З 1979 па 1983 год зводны брат Гусэйна кіраваў ірацкай разьведкаю, потым быў прадстаўніком Іраку ў ААН, апошнім часам займаў пасаду дарадцы прэзыдэнта.