ДУШАНБЭ. Міністры замежных справаў СНД сёньня сустракаюцца ў сталіцы Таджыкістану. На парадку дня сустрэчы будзе абмеркаваньне пытаньня вайны ў Іраку і пасьляваеннага разьвіцьця гэтай краіны. Разам з гэтым,у цэнтры ўвагі кіраўнікоў зьнешнепалітычных ведамстваў будуць пытаньні барацьбы з тэрарызмам, а таксама меры бясьпекі ў зьвязку з вайной у Іраку. Адначасова міністры абмяркуюць праект праграмы СНД у пытаньні барацьбы зь міжнародным тэрарызмам і экстрэмізмам.