БЭРЛІН. Нямецкая паліцыя правяла рэйды ў 15 гарадох Нямеччыны з мэтай пошуку ісьлямскіх экстрэмістаў. Рэйдам папярэднічала шматмесячнае назіраньне за 25 асобамі, падазраванымі ў заснаваньні радыкальнай арганізацыі “Хізб ут-Тахрыр”, мэта якой - стварэньне ў Цэнтральнай Азіі вялікай ісьлямскай дзяржавы - каліфату. У выніку рэйду некалькі чалавек былі затрыманыя.