БАГРАМ. АФГАНІСТАН. Амэрыканскае войска пачало новую шырокамаштабную апэрацыю ў справе пошуку і зьнішчэньня сяброў тэрарэстычнай арганізацыі “Аль-Кайда”. Як паведаміў прадстаўнік амэрыканскага вайсковага кіраўніцтва, некалькі чалавек уўжо арыштаваныя. Знойдзеныя таксама некалькі сховішчаў зброі. Між тым на ўсходзе Афганістану, каля места Гост працягваюцца жорсткія баі паміж урадавым войскам і ўзброенымі групоўкамі мяйсцовага вайсковага кіраўніка Пашахона Задрона, які адмаўляецца падпарадкоўвацца ўладзе афганскага прэзыдэнта Гаміда Карзаі.