СТАКГОЛЬМ. Швэцыя заклікала зьменшыць колькасьць працоўных моваў Эўразьвязу, каб спрасьціць працэдуры гэтай арганізацыі. У лісьце да свайго гішпанскага калегі Хасэ Марыі Аснара, чыя краіна цяпер паводле ратацыі старшынюе ў Эўразьвязе, швэдзкі прэм’ер Ёран Пэрсан запрапанаваў скараціць перакладніцкія службы ў арганізацыі, у якую цяпер уваходзяць 15 краінаў. Пэрсан папярэдзіў, што з павелічэньнем колькасьці моваў ў сувязі з пашырэньнем Эўразьвязу ўдвая, колькасьць перакладнікаў павялічыцца ў чатыры разы.