ТОКІЁ. Міністар замежных справаў Расеі Ігар Іваноў сёньня мае перамовы з толькі што прызначаным міністрам замежных справаў Японіі Ёрыкай Кавагуці. У цэнтры ўвагі перамоваў будуць Курыльскія выспы, права на якія ад завершаньня другой усясьветнай вайны аспрэчваюць абедзьве краіны. Гэтая спрэчка стала прычынаю, што паміж Японіяй і Расеяй дагэтуль не заключаная мірная дамова. Чакаецца, што бакі абмяркуюць таксама супрацоўніцтва ў барацьбе супраць міжнароднага тэрарызму.