ІСЬЛЯМАБАД. Брытанія і Пакістан пагадзіліся сёньня ў тым, што ўпартая адмова талібаў выдаць Усаму бін Лядэна паўплывае на іхнае далейшае знаходжаньне пры ўладзе. Выступаючы сёньня ў Ісьлямабадзе на супольнай прэсавай канфэрэнцыі з прэзыдэнтам Пакістану Пэрвэзам Мушарафам, брытанскі прэм’ер Тоні Блэйр сказаў, што ў будучы афганскі ўрад увойдуць прадстаўнікі ўсіх галоўных этнічных групаў. Пакістан паабяцаў сваю поўную падтрымку ў вайне з тэрарызмам і ў спробах высачыць бін Лядэна.