Камплексная праверка школ, інтэрнатаў ды іншых грамадзкіх установаў такога кшталту паказала, што супрацьпажарная сыгналізацыя працуе хіба ў кожным дзесятым будынку. А ў віцебскім інтэрнаце, дзе жывуць ды вучацца каля 150 дзетак з парушэньнямі слыху, такой сыстэмы няма наагул.
Супрацоўнікі МНС чакаюць, што да 1 лістапада іхная пастанова пра абавязковую наяўнасьць сыгналізацыі ў школах, шпіталях ды дамах-інтэрнатах будзе выкананая, інакш гэтыя ўстановы будуць зачыненыя. Аднак выкананьню пастановы службаў МНС сёньня існуе рэальная перашкода: у бюджэце вобласьці сродкаў на сыгналізацыю не прадугледжана.
