Беларусі бок лічыць, што паводле бішкецкага пагадненьня 1992 году аб урэгуляваньні пытаньняў уласнасьці былога СССР нафтапрадуктаправоды, што праходзяць паўзь беларускую тэрыторыю, належаць Беларусі.
Летась Вышэйшы гаспадарчы суд Беларусі скасаваў рашэньне аб рэгістрацыі расейскай фірмы “Захад-Транснафтапрадукт”, якая валодае спрэчным бэнзаправодам.
Расейскі бок, спасылаючыся на тое ж бішкэцае пагадненьне 1992 году, сьцвяржае, што нафтапрадуктаправод належыць Расеі, бо ў свой час зьяўляўся ўласнасьцю РСФСР. Учора расейскі прэм’ер-міністар Міхаіл Касьянаў заявіў, што Масква ня можа нават абмяркоўваць пытаньне аб пераглядзе права ўласнасьці.
