Беларусаў на гэтых выходных у Вільні будзе багата як ніколі: аншляг чакаецца на забароненых у Менску канцэртах «Крамбамбулі», сотні людзей возьмуць удзел у выязным гарадзкім арыентаваньні «Адрыў», што ладзіцца супольна з ЭГУ.
На аглядную экскурсію па беларускіх мясьцінах цэнтру Вільні запрашае Валянцін Стэх. Ён правядзе ахвочых ад Вострай брамы да вежы Гедыміна, пакажа славутыя Базыльянскія муры, якія памятаюць 7 вякоў беларускай гісторыі, друкарню Францішка Скарыны, дзе амаль 500 гадоў таму сышлі з варштату першыя беларускі друкаваныя кнігі. Экскурсія распачнецца каля Вострай Брамы а 12:00.
А 16:00 каля галоўнага ўваходу ў чыгуначны вакзал сустракаюцца ахвочыя патрапіць на экскурсію ў вядомы нэкропаль — могілкі Роса — зь Людвікай Вітушкай. Разам зь ёй беларусы змогуць наведаць магілы, даведацца пра жыцьцёвы шлях ды ўшанаваць памяць знакамітых дзеячаў беларускай гісторыі — такіх, як браты Іван і Антон Луцкевічы, літаратары Францішак Аляхновіч, Ядвігін Ш. (Антон Лявіцкі) і Ўладзіслаў Сыракомля, ксёндз-паэт Казімір Сваяк (Канстанцін Стаповіч), архітэктар Лявон Вітан-Дубейкаўскі, археоляг і гісторык Яўстах Тышкевіч, гісторык Яўхім Лялевель ды многія іншыя.
На аглядную экскурсію па беларускіх мясьцінах цэнтру Вільні запрашае Валянцін Стэх. Ён правядзе ахвочых ад Вострай брамы да вежы Гедыміна, пакажа славутыя Базыльянскія муры, якія памятаюць 7 вякоў беларускай гісторыі, друкарню Францішка Скарыны, дзе амаль 500 гадоў таму сышлі з варштату першыя беларускі друкаваныя кнігі. Экскурсія распачнецца каля Вострай Брамы а 12:00.
А 16:00 каля галоўнага ўваходу ў чыгуначны вакзал сустракаюцца ахвочыя патрапіць на экскурсію ў вядомы нэкропаль — могілкі Роса — зь Людвікай Вітушкай. Разам зь ёй беларусы змогуць наведаць магілы, даведацца пра жыцьцёвы шлях ды ўшанаваць памяць знакамітых дзеячаў беларускай гісторыі — такіх, як браты Іван і Антон Луцкевічы, літаратары Францішак Аляхновіч, Ядвігін Ш. (Антон Лявіцкі) і Ўладзіслаў Сыракомля, ксёндз-паэт Казімір Сваяк (Канстанцін Стаповіч), архітэктар Лявон Вітан-Дубейкаўскі, археоляг і гісторык Яўстах Тышкевіч, гісторык Яўхім Лялевель ды многія іншыя.
