Ад экс-кандыдата на прэзыдэнта Андрэя Саньнікава дайшоў ліст з карантыну, адрасаваны жонцы Ірыне Халіп. Павал Севярынец, які з "хіміі" лістуецца з іншымі палітвязьнямі, тлумачыць зьнікненьне Яўгена Васьковіча доўгім турэмным этапам.
Ірына Халіп атрымала першы ліст ад мужа, экс-кандыдата на прэзыдэнта Андрэя Саньнікава, напісаны яшчэ з карантыну калёніі ў Бабруйску. Зараз экс-кандыдата на прэзыдэнта ўтрымліваюць ў памяшканьні камэрнага тыпу (ПКТ), дзе звычайна трымаюць злосных парушальнікаў турэмнага рэжыму. Між тым зьвестак пра тое, каб Саньнікаў нешта парушыў з парадкаў Бабруйскай калёніі, няма.
"Вядома мала што. Гэта ПКТ, ці "бур" як яго клічуць "зэкі" – гэта такая турма ў турме. Звычайна туды трапляюць вязьні, які нешта парушылі ў парадках, пасьля адсідкі ў карцэры. Памятаеце, як Мікіта Ліхавід. І Андрэй зараз там. Я ня ведаю, хто ягоныя суседзі, з кім ён сядзіць, можа ў адзіночцы. Пра гэта я даведаюся ад адваката, які паедзе да яго на наступным тыдні. Справа ў тым, што перавялі яго ў ПКТ як раз пасьля апошняй сустрэчы з адвакатам. Мы пра гэта даведаліся выпадкова", - кажа Ірына Халіп.
Карэспандэнт: "А што вядома пра ягонае здароўе?"
"Піша ў лісьце, напісаным яшчэ з карантыну, што з-за холаду там ў яго абвастрыліся праблемы з суставамі".
Маці палітвязьня Эдуарда Лобава, наведваючы на мінулым тыдні сына ў калёніі як раз засьпела час, калі ў калёніі ўключылі ацяпленьне. Марына Лобава кажа, што было вельмі холадна, але і пасьля таго, як затапілі, тэмпэратура не паднялася да патрэбных 18 градусаў. Выратаваць ў такіх умовах можа толькі цёплая вопратка. Маці палітвязьня зазначае, што ў Івацэвіцкай калёніі з гэтым праблем яна не ўбачыла.
"Цёплую бялізну сыну выдалі. Цёплыя спартовыя штаны дазволілі апрануць. Гэта ўсё ёсьць ў яго".
Ці гэтак жа вырашаны праблемы з цёплымі рэчамі ў Андрэя Саньнікава, ягоная жонка Ірына Халіп зьвестак ня мае.
"Хімік" Павал Севярынец лістуецца з палітвязьнямі: Саньнікавым, Бандарэнкам, Дашкевічам, Лобавым, Васьковічам. Сустаршыня партыі БХД Севярынец зазначае, што ня ўсе могуць дасылаць яму лісты гэтак сама, як ён ім. Прыкладам, ад Мікалая Статкевіч няма лістоў, бо адміністрацыя Шклоўскай калёніі па-ранейшаму стварае вязьню перашкоды ў ліставаньні. Даўно не было лістоў і ад актывіста Яўгена Васьковіча. Зьвесткі пра тое, што вязьня перавялі невядома куды з калёніі Севярынец камэнтуе гэтак.
"Мяркую, ён яшчэ едзе па этапе, як ў свой час было з Саньнікавым і Дашкевічам. Яго паабяцалі перавесьці ў крытую турму, а яна, здаецца, ў нас адна – у Гародні. А як з Магілёва перавезьці чалавека туды – толькі праз гэтак званыя этапы. Ведаю па сабе, наколькі гэта цяжка. Могуць ноччу выводзіць, могуць трымаць ў адстойніках, дзе няма як павярнуцца, ня тое што прысесьці ці прылегчы. І гэтак можа цягнуцца тыднямі. Таму хутчэй за ўсё ён дзесьці на этапе зараз".
Сам Павал Севярынец адбывае пакараньне "хіміяй" ў Пружанскім раёне. Вязьню прапаноўвалі прызнаць віну ўзамен на перавод на "хімію" дамоў у Віцебск, але Павал адмовіўся. "Больш не прапануюць. І ўвогуле зьдзіўляюся, што прапаноўвалі. Магі б мяне ужо ведаць, што гэта бессэнсоўна".
Зьвестак ад Мікалая Статкевіча ягоныя сваякі не атрымліваюць. Ні лістоў, ні званкоў, кажа жонка экс-кандыдата на прэзыдэнта Марына Адамовіч. Няма навінаў таксама ад Зьмітра Дашкевіча і Зьмітра Бандарэнкі, якіх трымаюць у Глыбоцкай і Магілёўскай калёніях.
Ірына Халіп атрымала першы ліст ад мужа, экс-кандыдата на прэзыдэнта Андрэя Саньнікава, напісаны яшчэ з карантыну калёніі ў Бабруйску. Зараз экс-кандыдата на прэзыдэнта ўтрымліваюць ў памяшканьні камэрнага тыпу (ПКТ), дзе звычайна трымаюць злосных парушальнікаў турэмнага рэжыму. Між тым зьвестак пра тое, каб Саньнікаў нешта парушыў з парадкаў Бабруйскай калёніі, няма.
|
|
|
|
|
|
"Вядома мала што. Гэта ПКТ, ці "бур" як яго клічуць "зэкі" – гэта такая турма ў турме. Звычайна туды трапляюць вязьні, які нешта парушылі ў парадках, пасьля адсідкі ў карцэры. Памятаеце, як Мікіта Ліхавід. І Андрэй зараз там. Я ня ведаю, хто ягоныя суседзі, з кім ён сядзіць, можа ў адзіночцы. Пра гэта я даведаюся ад адваката, які паедзе да яго на наступным тыдні. Справа ў тым, што перавялі яго ў ПКТ як раз пасьля апошняй сустрэчы з адвакатам. Мы пра гэта даведаліся выпадкова", - кажа Ірына Халіп.
Карэспандэнт: "А што вядома пра ягонае здароўе?"
"Піша ў лісьце, напісаным яшчэ з карантыну, што з-за холаду там ў яго абвастрыліся праблемы з суставамі".
Маці палітвязьня Эдуарда Лобава, наведваючы на мінулым тыдні сына ў калёніі як раз засьпела час, калі ў калёніі ўключылі ацяпленьне. Марына Лобава кажа, што было вельмі холадна, але і пасьля таго, як затапілі, тэмпэратура не паднялася да патрэбных 18 градусаў. Выратаваць ў такіх умовах можа толькі цёплая вопратка. Маці палітвязьня зазначае, што ў Івацэвіцкай калёніі з гэтым праблем яна не ўбачыла.
"Цёплую бялізну сыну выдалі. Цёплыя спартовыя штаны дазволілі апрануць. Гэта ўсё ёсьць ў яго".
Ці гэтак жа вырашаны праблемы з цёплымі рэчамі ў Андрэя Саньнікава, ягоная жонка Ірына Халіп зьвестак ня мае.
"Хімік" Павал Севярынец лістуецца з палітвязьнямі: Саньнікавым, Бандарэнкам, Дашкевічам, Лобавым, Васьковічам. Сустаршыня партыі БХД Севярынец зазначае, што ня ўсе могуць дасылаць яму лісты гэтак сама, як ён ім. Прыкладам, ад Мікалая Статкевіч няма лістоў, бо адміністрацыя Шклоўскай калёніі па-ранейшаму стварае вязьню перашкоды ў ліставаньні. Даўно не было лістоў і ад актывіста Яўгена Васьковіча. Зьвесткі пра тое, што вязьня перавялі невядома куды з калёніі Севярынец камэнтуе гэтак.
"Мяркую, ён яшчэ едзе па этапе, як ў свой час было з Саньнікавым і Дашкевічам. Яго паабяцалі перавесьці ў крытую турму, а яна, здаецца, ў нас адна – у Гародні. А як з Магілёва перавезьці чалавека туды – толькі праз гэтак званыя этапы. Ведаю па сабе, наколькі гэта цяжка. Могуць ноччу выводзіць, могуць трымаць ў адстойніках, дзе няма як павярнуцца, ня тое што прысесьці ці прылегчы. І гэтак можа цягнуцца тыднямі. Таму хутчэй за ўсё ён дзесьці на этапе зараз".
Сам Павал Севярынец адбывае пакараньне "хіміяй" ў Пружанскім раёне. Вязьню прапаноўвалі прызнаць віну ўзамен на перавод на "хімію" дамоў у Віцебск, але Павал адмовіўся. "Больш не прапануюць. І ўвогуле зьдзіўляюся, што прапаноўвалі. Магі б мяне ужо ведаць, што гэта бессэнсоўна".
Зьвестак ад Мікалая Статкевіча ягоныя сваякі не атрымліваюць. Ні лістоў, ні званкоў, кажа жонка экс-кандыдата на прэзыдэнта Марына Адамовіч. Няма навінаў таксама ад Зьмітра Дашкевіча і Зьмітра Бандарэнкі, якіх трымаюць у Глыбоцкай і Магілёўскай калёніях.
