Прадстаўнік АБСЭ ў пытаньнях свабоды СМІ Дуня Міятавіч заявіла, што ў ХХI стагодзьдзі доступ да Інтэрнэту зьяўляецца асновай існаваньня плюралізму і свабодных СМІ, і дзяржаўнаму рэгуляваньню, якое перашкаджае доступу да Інтэрнэту, ня можа быць апраўданьня.
"Інтэрнэт дае беспрэцэдэнтныя магчымасьці для пашырэньня свабоды выказваньня меркаваньняў і плюралізму. Ён зьяўляецца адным з найважнейшых элемэнтаў пабудовы і ўмацаваньня дэмакратыі", - заявіла Міятавіч у Будапэшце пасьля падпісаньня Сумеснай дэклярацыі аб свабодзе выказваньняў і доступу да Інтэрнэту.
Міятавіч падкрэсьліла, што многія ўрады выкарыстоўваюць крывадушную аргумэнтацыю, каб пазбавіць сваіх грамадзян права на доступ да Інтэрнэту.
"Урады, якія блякуюць вэбсайты, зьвяртаюцца да адной з самых небясьпечных формаў цэнзуры, што проста недапушчальна, - сказана ў яе заяве. - Перакрыцьце доступу па меркаваньнях нацыянальнай бясьпекі або ў мэтах падтрыманьня грамадзкага парадку ніколі не павінна выкарыстоўвацца ў якасьці падставы для абмежаваньня свабоды выказваньня меркаваньняў і перашкоды свабоднаму патоку інфармацыі".
Разам зь Міятавіч Дэклярацыю аб свабодзе выказваньня меркаваньняў і доступу да Інтэрнэту падпісалі таксама тры спэцыяльных дакладчыкі міжнародных арганізацый па пытаньнях свабоды слова.
У Сумеснай дэклярацыі ўпаўнаважаныя ў пытаньні свабоды выказваньняў заявілі, у прыватнасьці:
• Свабода выказваньня меркаваньняў распаўсюджваецца на Інтэрнэт гэтак жа, як і на ўсе іншыя сродкі камунікацыі;
• Ніхто з тых, хто дае тэхнічныя паслугі Інтэрнэту, не павінен несьці адказнасьці за кантэнт, створаны іншымі;
• Сыстэмы фільтрацыі кантэнту, якія накідаюцца дзяржаўным або камэрцыйным пастаўшчыкам паслуг, уяўляюць сабой абмежаваньне свабоды выказваньня;
• Самарэгуляваньне можа служыць эфэктыўным інструмэнтам барацьбы са шкодным кантэнтам і павінна заахвочвацца.
З поўным тэкстам Дэклярацыі можна азнаёміцца тут.
"Інтэрнэт дае беспрэцэдэнтныя магчымасьці для пашырэньня свабоды выказваньня меркаваньняў і плюралізму. Ён зьяўляецца адным з найважнейшых элемэнтаў пабудовы і ўмацаваньня дэмакратыі", - заявіла Міятавіч у Будапэшце пасьля падпісаньня Сумеснай дэклярацыі аб свабодзе выказваньняў і доступу да Інтэрнэту.
Міятавіч падкрэсьліла, што многія ўрады выкарыстоўваюць крывадушную аргумэнтацыю, каб пазбавіць сваіх грамадзян права на доступ да Інтэрнэту.
"Урады, якія блякуюць вэбсайты, зьвяртаюцца да адной з самых небясьпечных формаў цэнзуры, што проста недапушчальна, - сказана ў яе заяве. - Перакрыцьце доступу па меркаваньнях нацыянальнай бясьпекі або ў мэтах падтрыманьня грамадзкага парадку ніколі не павінна выкарыстоўвацца ў якасьці падставы для абмежаваньня свабоды выказваньня меркаваньняў і перашкоды свабоднаму патоку інфармацыі".
Разам зь Міятавіч Дэклярацыю аб свабодзе выказваньня меркаваньняў і доступу да Інтэрнэту падпісалі таксама тры спэцыяльных дакладчыкі міжнародных арганізацый па пытаньнях свабоды слова.
У Сумеснай дэклярацыі ўпаўнаважаныя ў пытаньні свабоды выказваньняў заявілі, у прыватнасьці:
• Свабода выказваньня меркаваньняў распаўсюджваецца на Інтэрнэт гэтак жа, як і на ўсе іншыя сродкі камунікацыі;
• Ніхто з тых, хто дае тэхнічныя паслугі Інтэрнэту, не павінен несьці адказнасьці за кантэнт, створаны іншымі;
• Сыстэмы фільтрацыі кантэнту, якія накідаюцца дзяржаўным або камэрцыйным пастаўшчыкам паслуг, уяўляюць сабой абмежаваньне свабоды выказваньня;
• Самарэгуляваньне можа служыць эфэктыўным інструмэнтам барацьбы са шкодным кантэнтам і павінна заахвочвацца.
З поўным тэкстам Дэклярацыі можна азнаёміцца тут.
