У Вільні прайшла акцыя і пэрформанс перад будынкам амбасады Расеі з нагоды візыту расейскага прэм'ер-міністра Уладзімера Пуціна ў Менск, які мае адбыцца 19 траўня.
Напярэдадні кіраўнік Беларусі заявіў аб дамоўленасьці з Расеяй адносна крэдыту ў памеры 6 мільярдаў даляраў. Пратэстоўцы заклікалі не даваць фінансавую дапамогу ўладам краіны, якія акурат цяпер судзяць палітзьняволеных.
“6 мільярдаў — гуманітарная дапамога катам беларускага народу!”, “Крэдыт працягвае жыцьцё дыктатуры!” — плякаты з такімі надпісамі трымалі удзельнікі акцыі, прадстаўнікі Грамадзянскага і палітычнага прадстаўніцтва Беларусі ў Літве, кампаніі “Эўрапейская Беларусь” і “За свабоднае разьвіцьцё прадпрымальніцтва”, актывісты “Маладога Фронту”, прадстаўнікі штабоў былых кандыдатаў у прэзыдэнты А. Саньнікава і Ўл. Някляева.
Удзельнікі акцыі перадалі зварот у амбасаду Расеі з заклікам не падтрымліваць дыктатарскі рэжым у Беларусі, а ў дачыненьнях зь Беларусьсю улічваць “найперш інтарэсы народаў абедзьвюх краінаў, а не асобных ягоных прадстаўнікоў, не прызнаных міжнароднай супольнасьцю”.
У часе акцыі адмысловы пэрформанс са старымі граблямі меўся нагадаць расейскаму кіраўніцтву, што даваць новы крэдыт беларускім уладам — тое самае, што наступаць ізноў і ізноў на тыя ж самыя граблі.
Разам са зваротам актывісты перадалі ў амбасаду Расеі граблі як напамін аб тым, што “ня варта наступаць на тыя самыя граблі”.
Арганізатары акцыі паведамілі, што 19 траўня, калі спаўняецца 5 месяцаў ад дня сьнежаньскіх выбараў, перад будынкам амбасады Беларусі ў Вільні будзе акцыя салідарнасьці і фотавыстава аб падзеях 19 сьнежня, а ў часе акцыі будуць падпісаныя паштоўкі са словамі падтрымкі да палітзьняволеных. Паштоўкі будуць адасланыя тым, хто сёньня ў Беларусі за кратамі.
Напярэдадні кіраўнік Беларусі заявіў аб дамоўленасьці з Расеяй адносна крэдыту ў памеры 6 мільярдаў даляраў. Пратэстоўцы заклікалі не даваць фінансавую дапамогу ўладам краіны, якія акурат цяпер судзяць палітзьняволеных.
“6 мільярдаў — гуманітарная дапамога катам беларускага народу!”, “Крэдыт працягвае жыцьцё дыктатуры!” — плякаты з такімі надпісамі трымалі удзельнікі акцыі, прадстаўнікі Грамадзянскага і палітычнага прадстаўніцтва Беларусі ў Літве, кампаніі “Эўрапейская Беларусь” і “За свабоднае разьвіцьцё прадпрымальніцтва”, актывісты “Маладога Фронту”, прадстаўнікі штабоў былых кандыдатаў у прэзыдэнты А. Саньнікава і Ўл. Някляева.
Удзельнікі акцыі перадалі зварот у амбасаду Расеі з заклікам не падтрымліваць дыктатарскі рэжым у Беларусі, а ў дачыненьнях зь Беларусьсю улічваць “найперш інтарэсы народаў абедзьвюх краінаў, а не асобных ягоных прадстаўнікоў, не прызнаных міжнароднай супольнасьцю”.
У часе акцыі адмысловы пэрформанс са старымі граблямі меўся нагадаць расейскаму кіраўніцтву, што даваць новы крэдыт беларускім уладам — тое самае, што наступаць ізноў і ізноў на тыя ж самыя граблі.
Разам са зваротам актывісты перадалі ў амбасаду Расеі граблі як напамін аб тым, што “ня варта наступаць на тыя самыя граблі”.
Арганізатары акцыі паведамілі, што 19 траўня, калі спаўняецца 5 месяцаў ад дня сьнежаньскіх выбараў, перад будынкам амбасады Беларусі ў Вільні будзе акцыя салідарнасьці і фотавыстава аб падзеях 19 сьнежня, а ў часе акцыі будуць падпісаныя паштоўкі са словамі падтрымкі да палітзьняволеных. Паштоўкі будуць адасланыя тым, хто сёньня ў Беларусі за кратамі.
