Рашэньнем прэзыдыюму Менскай гарадзкой калегіі адвакатаў Павал Сапелка выключаны з арганізацыі і праз гэта пазбаўлены права займацца адвакацкай дзейнасьцю. Такое рашэньне прынятае на прапанову Міністэрства юстыцыі, якое зьвінаваціла адваката ў парушэньні патрабаваньняў Крымінальна-працэсуальнага кодэксу і правілаў прафэсійнай этыкі. Праваабаронцы і юрысты называюць гэтае рашэньне незаконным і заяўляюць пра разгром незалежнай адвакатуры.
Госьць “Начной Свабоды” – Павал Сапелка.
Соўсь: Як вы лічыце, чаму вас пазбавілі права займацца адвакацкай дзейнасьцю? Паводле Міністэрства юстыцыі, вашыя дзеяньні «несумяшчальныя са званьнем адваката". Ці вы згодны з такім тлумачэньнем?
Сапелка: Пакуль не хацеў бы абмяркоўваць прычыны гэтага рашэньня, але лічу, што не зрабіў нічога такога, што было б на шкоду маім кліентам, ці што парушала б правілы прафэсійнай этыкі.
Соўсь: Як вы лічыце, кім гэта рашэньне было прынятае?
Сапелка: Прэзыдыюмам Менскай гарадзкой калегіі адвакатаў, на жаль.
Соўсь: Хто цяпер будзе абараняць Саньнікава, Севярынца, Дашкевіча? Ці лёгка будзе ім знайсьці абаронцаў?
Сапелка: Замест сябе я нікога прапанаваць не магу, але па законе абаронай яны будуць забясьпечаны.
Соўсь: Што вы думаеце рабіць далей?
Сапелка: Я перастаў быць адвакатам, але не перастаў быць юрыстам. Сьвет юрыспрудэнцыі ёсьць і па-за калегіяй адвакатаў. Буду шукаць працу.
Соўсь: Як зрэагавалі іншыя адвакаты на вашае выключэньне з калегіі адвакатаў?
Сапелка: Я пачуў словы падтрымкі і спачуваньня.
Соўсь: Многія адвакаты фігурантаў справы 19 сьнежня пазьбягаюць кантактаў з журналістамі альбо даюць мінімальную інфармацыю. З чым вы гэта зьвязваеце?
Сапелка: Не да мяне пытаньне. Задайце гэтае пытаньне гэным адвакатам, якія не даюць інфармацыю. Я не магу тлумачыць іх учынкі.
Соўсь: Паколькі вы цяпер не зьвязаныя таямніцай сьледзтва, якія падрабязнасьці справы сваіх падабаронных, пра якія раней не гаварылі, вы цяпер можаце абнародаваць?
Сапелка: Падпіска пра неразгалошваньне сваёй сілы ня страціла.
Соўсь: Ці скардзіліся вашы падабаронныя на катаваньні ў турме КДБ?
Сапелка: Пакуль пра гэта гаварыць рана.
Соўсь: Раней гаварылася пра такую магчымасьць, каб літоўскія адвакаты абаранялі падазраваных ў справе аб непарадках 19 сьнежня. Ці нейкія канкрэтныя рухі прадпрымаліся дзеля гэтага?
Сапелка: Ня ведаю. Што пэрспэктывы, пэўна, мае сэнс у сілу наяўнасьці дамовы пра аказаньне ўзаемнай прававой дапамогі паміж Літвой і Беларусьсю.
Соўсь: Чаго вам найбольш шкада з таго, што вы страцілі адвакацкую ліцэнзію? Ці можа ёсьць што і пазытыўнае ў гэтым?
Сапелка: Пазытыву я тут ніякага ня бачу. Шкада, што не завяршыў многія справы, засталіся некаторыя маральныя абавязкі перад людзьмі.
Слухаць гутарку цалкам:
Госьць “Начной Свабоды” – Павал Сапелка.
Соўсь: Як вы лічыце, чаму вас пазбавілі права займацца адвакацкай дзейнасьцю? Паводле Міністэрства юстыцыі, вашыя дзеяньні «несумяшчальныя са званьнем адваката". Ці вы згодны з такім тлумачэньнем?
Сапелка: Пакуль не хацеў бы абмяркоўваць прычыны гэтага рашэньня, але лічу, што не зрабіў нічога такога, што было б на шкоду маім кліентам, ці што парушала б правілы прафэсійнай этыкі.
Соўсь: Як вы лічыце, кім гэта рашэньне было прынятае?
Сапелка: Прэзыдыюмам Менскай гарадзкой калегіі адвакатаў, на жаль.
Соўсь: Хто цяпер будзе абараняць Саньнікава, Севярынца, Дашкевіча? Ці лёгка будзе ім знайсьці абаронцаў?
Сапелка: Замест сябе я нікога прапанаваць не магу, але па законе абаронай яны будуць забясьпечаны.
Соўсь: Што вы думаеце рабіць далей?
Сапелка: Я перастаў быць адвакатам, але не перастаў быць юрыстам. Сьвет юрыспрудэнцыі ёсьць і па-за калегіяй адвакатаў. Буду шукаць працу.
Соўсь: Як зрэагавалі іншыя адвакаты на вашае выключэньне з калегіі адвакатаў?
Сапелка: Я пачуў словы падтрымкі і спачуваньня.
Соўсь: Многія адвакаты фігурантаў справы 19 сьнежня пазьбягаюць кантактаў з журналістамі альбо даюць мінімальную інфармацыю. З чым вы гэта зьвязваеце?
Сапелка: Не да мяне пытаньне. Задайце гэтае пытаньне гэным адвакатам, якія не даюць інфармацыю. Я не магу тлумачыць іх учынкі.
Соўсь: Паколькі вы цяпер не зьвязаныя таямніцай сьледзтва, якія падрабязнасьці справы сваіх падабаронных, пра якія раней не гаварылі, вы цяпер можаце абнародаваць?
Сапелка: Падпіска пра неразгалошваньне сваёй сілы ня страціла.
Соўсь: Ці скардзіліся вашы падабаронныя на катаваньні ў турме КДБ?
Сапелка: Пакуль пра гэта гаварыць рана.
Соўсь: Раней гаварылася пра такую магчымасьць, каб літоўскія адвакаты абаранялі падазраваных ў справе аб непарадках 19 сьнежня. Ці нейкія канкрэтныя рухі прадпрымаліся дзеля гэтага?
Сапелка: Ня ведаю. Што пэрспэктывы, пэўна, мае сэнс у сілу наяўнасьці дамовы пра аказаньне ўзаемнай прававой дапамогі паміж Літвой і Беларусьсю.
Соўсь: Чаго вам найбольш шкада з таго, што вы страцілі адвакацкую ліцэнзію? Ці можа ёсьць што і пазытыўнае ў гэтым?
Сапелка: Пазытыву я тут ніякага ня бачу. Шкада, што не завяршыў многія справы, засталіся некаторыя маральныя абавязкі перад людзьмі.
Слухаць гутарку цалкам:
