Прадстаўніца АБСЭ ў пытаньнях свабоды прэсы заклікала беларускія ўлады спыніць цкаваньне журналістаў і ператрусы ў незалежных СМІ. Дуня Міятавіч таксама выказала шкадаваньне ў сувязі з тым, што беларускія ўлады адмянілі яе плянаваны візыт у студзені, падчас якога яна мела абмеркаваць з афіцыйным Менскам пагаршэньне сытуацыі са свабодай мэдыяў у Беларусі.