У амбасадах Польшчы і Нямеччыны ў Менску не камэнтуюць публікацыю ў газэце "Советская Белоруссия" (СБ), у якой гаворыцца аб датычнасьці спэцслужбаў Польшчы і Нямеччыны да арганізацыі падзей 19 сьнежня.
"Мы пакуль устрымліваемся ад камэнтароў", - заявілі ў амбасадзе Польшчы ў Беларусі.
Агенцтву таксама не атрымалася атрымаць камэнтароў з нагоды публікацыі і ў амбасадзе Нямеччыны ў Менску.
У публікацыі “СБ” сьцьвярджаецца, што "няма ніякіх сумневаў, што да падзеяў 19 сьнежня прыклалі руку перш за ўсё спэцслужбы Польшчы і Нямеччыны, якія сплянавалі і арганізацыйна аформілі ГК ГП (грамадзянская кампанія" Гавары праўду! ", якую ўзначальваў экс-кандыдат у прэзыдэнты Ўладзімер Някляеў), якая па задуме павінна была стаць "Новай апазыцыйнай сілай", здольнай зьмяніць уладу ў краіне".
