Адвакаты падаюць скаргі на тое, што ня могуць сустрэцца са сваімі падабароннымі, зьняволенымі ў СІЗА КДБ. Усяго 19 асобаў узятыя пад варту і падазраюцца паводле крымінальнай справы аб масавых беспарадках у Менску 19 сьнежня. Сярод іх кандыдаты ў прэзыдэнты — Уладзімер Някляеў, Аляксей Міхалевіч, Віталь Рымашэўскі, Андрэй Саньнікаў, Мікалай Статкевіч.
Адваката Тамару Сідарэнку ў першай палове дня зноў не пусьцілі да падабароннага кандыдата ў прэзыдэнты Ўладзімера Някляева, які, паводле афіцыйнай інфармацыі, утрымліваецца ў сьледчым ізалятары КДБ. Адвакат Сідарэнка сёньня ўжо трэці дзень спрабуе дамагчыся сустрэчы з падабаронным.
"Сёньняшні дзень паказаў, што гэта працэс, які некім штучна рэгулюецца. Гэта ня нейкія аб'ектыўныя цяжкасьці. Пачалі прыходзіць з ізалятара і забіраць асобаў, якія былі за мной. Забралі двух сьледчых, правялі ў кабінэты, нейкага чалавека ў цывільным, які наогул прыйшоў значна пазьней за нас. Выразна бачна, што проста парушаецца права маё і Някляева на нашы зносіны і што гэта некаму патрэбна. Мяне зусім вывела зь сябе такое парушэньне, калі ўзялі людзей, якія пасьля нас і ў якіх ніякіх пераваг перад адвакатамі няма".
Сідарэнка паведаміла, што, як і іншыя адвакаты, напісала скаргу на начальніка СІЗА КДБ, каб быў вызначаны канкрэтны час для сустрэчы. Таксама Сідарэнка напісала скаргу старшыні КДБ. Яна паведаміла, што жонка Някляева Вольга была чацьвёртай у чарзе і змагла перадаць перадачу.
"Сёньня шмат людзей прыйшло перадаваць перадачы затрыманым. У чатырох чалавек прынялі. А асноўная маса, чалавек восем, не змаглі перадаць перадачы, хаця прыйшлі яшчэ да дзесятай гадзіны. Яны пачалі пісаць скаргу, але празь некаторы час прыйшоў нейкі супрацоўнік і запрасіў усіх, каб прыняць перадачы".
Адвакат Андрэя Саньнікава і Паўла Севярынца Павал Сапелка сустрэўся са сваімі падаабароннымі 20 сьнежня. Аднак новай сустрэчы яму не дазволілі.
"Мы з адвакатамі, якія бяруць удзел у абароне іншых арыштаваных, прыйшлі да высновы, што ёсьць яўная, зразумелая нам устаноўка — не дапускаць абаронцаў да сустрэчы з падабароннымі. Таму ніякіх зьвестак пра стан здароўя, стан спраў сваіх падаабаронных мы ня маем".
Павал Сапелка зрабіў усё магчымае, каб дамагчыся новай сустрэчы — далучыўся да калектыўнай скаргі абаронцаў у Генпракуратуру, падаў хадайніцтва сьледчаму, заяву начальніку СІЗА КДБ і нават зрабіў запіс у кнігу скаргаў бюро прапускоў КДБ. Адвакат мяркуе, што Саньнікаву не аказваецца патрэбная мэдычная дапамога.
"Нельга забывацца, што Саньнікаў абвінавачваецца ў асабліва цяжкім злачынстве. І цяпер вельмі важна, каб мы мелі магчымасьць выпрацоўваць нейкую пазыцыю па справе, сустракацца. І цяпер вельмі важна, каб якія-колечы асобы, сілы, органы ня мелі магчымасьці без грамадзкага і адвакацкага кантролю ўзьдзейнічаць у нейкай форме на арыштаваных з мэтай прымусіць іх да дачы нейкіх іншых паказаньняў, чым дадзеныя раней, і прымусіць іх да самаагавору".
Сёньня органы апекі зацікавіліся трохгадовым сынам кандыдата ў прэзыдэнты Андрэя Саньнікава і ягонай жонкі Ірыны Халіп, якая таксама сярод арыштаваных у ізалятары КДБ. Бабуля напісала заяву на афармленьне апякунства над унукам і сказала, што ўнук больш ня пойдзе ў садок. Сёньня ж на допыт у КДБ былі выкліканыя прадстаўніца штабу Някляева Сьвятлана Навумава і, другім ужо разам, лідэр грамадзкага аб'яднаньня "Пэрспэктыва" Анатоль Шумчанка.
Адваката Тамару Сідарэнку ў першай палове дня зноў не пусьцілі да падабароннага кандыдата ў прэзыдэнты Ўладзімера Някляева, які, паводле афіцыйнай інфармацыі, утрымліваецца ў сьледчым ізалятары КДБ. Адвакат Сідарэнка сёньня ўжо трэці дзень спрабуе дамагчыся сустрэчы з падабаронным.
"Сёньняшні дзень паказаў, што гэта працэс, які некім штучна рэгулюецца. Гэта ня нейкія аб'ектыўныя цяжкасьці. Пачалі прыходзіць з ізалятара і забіраць асобаў, якія былі за мной. Забралі двух сьледчых, правялі ў кабінэты, нейкага чалавека ў цывільным, які наогул прыйшоў значна пазьней за нас. Выразна бачна, што проста парушаецца права маё і Някляева на нашы зносіны і што гэта некаму патрэбна. Мяне зусім вывела зь сябе такое парушэньне, калі ўзялі людзей, якія пасьля нас і ў якіх ніякіх пераваг перад адвакатамі няма".
"Сёньня шмат людзей прыйшло перадаваць перадачы затрыманым. У чатырох чалавек прынялі. А асноўная маса, чалавек восем, не змаглі перадаць перадачы, хаця прыйшлі яшчэ да дзесятай гадзіны. Яны пачалі пісаць скаргу, але празь некаторы час прыйшоў нейкі супрацоўнік і запрасіў усіх, каб прыняць перадачы".
Адвакат Андрэя Саньнікава і Паўла Севярынца Павал Сапелка сустрэўся са сваімі падаабароннымі 20 сьнежня. Аднак новай сустрэчы яму не дазволілі.
"Мы з адвакатамі, якія бяруць удзел у абароне іншых арыштаваных, прыйшлі да высновы, што ёсьць яўная, зразумелая нам устаноўка — не дапускаць абаронцаў да сустрэчы з падабароннымі. Таму ніякіх зьвестак пра стан здароўя, стан спраў сваіх падаабаронных мы ня маем".
"Нельга забывацца, што Саньнікаў абвінавачваецца ў асабліва цяжкім злачынстве. І цяпер вельмі важна, каб мы мелі магчымасьць выпрацоўваць нейкую пазыцыю па справе, сустракацца. І цяпер вельмі важна, каб якія-колечы асобы, сілы, органы ня мелі магчымасьці без грамадзкага і адвакацкага кантролю ўзьдзейнічаць у нейкай форме на арыштаваных з мэтай прымусіць іх да дачы нейкіх іншых паказаньняў, чым дадзеныя раней, і прымусіць іх да самаагавору".
Сёньня органы апекі зацікавіліся трохгадовым сынам кандыдата ў прэзыдэнты Андрэя Саньнікава і ягонай жонкі Ірыны Халіп, якая таксама сярод арыштаваных у ізалятары КДБ. Бабуля напісала заяву на афармленьне апякунства над унукам і сказала, што ўнук больш ня пойдзе ў садок. Сёньня ж на допыт у КДБ былі выкліканыя прадстаўніца штабу Някляева Сьвятлана Навумава і, другім ужо разам, лідэр грамадзкага аб'яднаньня "Пэрспэктыва" Анатоль Шумчанка.
