У пачатку сёмай вечара ад турмы сыходзілі апошнія сваякі затрыманых. Троху раней сышлі праваабаронцы і дэмакратычныя актывісты. Акцыя кампаніі "Салідарнасьць" закончылася а 18-й гадзіне.
Як паведамілі арганізатары, яны вырашылі зьмяніць фармат яе правядзеньня і далей праводзіць ня толькі у форме маральнай падтрымкі, але і матэрыяльнай. Таму акцыя сёньня адбывалася цягам усяго дня. Вязьням прыносілі пасылкі зь цёплымі рэчамі, сродкамі гігіены і ежай. Так гэта будзе і ў наступныя дні. Другі этап – збор сродкаў на выплату штрафаў і адвакатаў.
Чаму быў зьменены фармат? Як паведаміў адзін з арганізатараў Франак Вячорка, існуе пагроза, што людзі, якія будуць прыходзіць на мітынг ля муроў турмы, будуць далей арыштоўвацца. А карысьці ад актывістаў будзе болей, калі яны застануцца на свабодзе. Такім чынам, акцыя будзе праходзіць кожны дзень ад 10-й гадзіны раніцы да 18-й гадзіны вечара.
Некаторыя людзі не пасьпелі перадаць свае перадачы, некаторыя працягваюць шукаць сваіх сваякоў і блізкіх, бо ведаюць, што яны зьняволеныя, але ня ведаюць, дзе яны знаходзяцца. У турме ля ўваходаў вывешаны сьпіс вязьняў, але ён няпоўны – там імёны каля 200 чалавек, але як вядома, сапраўдная колькасьць затрыманых значна большая. Міліцыянты адмаўляюцца паведамляць, дзе астатнія – магчыма, ня ведаюць, магчыма, маюць адпаведныя інструкцыі. Факт застаецца фактам, да сёньняшняга дня многія людзі ня ведаюць, дзе знаходзяцца іх блізкія, якія, як яны даведаліся, асуджаныя на кароткія тэрміны зьняволеньня.
Як паведамілі арганізатары, яны вырашылі зьмяніць фармат яе правядзеньня і далей праводзіць ня толькі у форме маральнай падтрымкі, але і матэрыяльнай. Таму акцыя сёньня адбывалася цягам усяго дня. Вязьням прыносілі пасылкі зь цёплымі рэчамі, сродкамі гігіены і ежай. Так гэта будзе і ў наступныя дні. Другі этап – збор сродкаў на выплату штрафаў і адвакатаў.
Чаму быў зьменены фармат? Як паведаміў адзін з арганізатараў Франак Вячорка, існуе пагроза, што людзі, якія будуць прыходзіць на мітынг ля муроў турмы, будуць далей арыштоўвацца. А карысьці ад актывістаў будзе болей, калі яны застануцца на свабодзе. Такім чынам, акцыя будзе праходзіць кожны дзень ад 10-й гадзіны раніцы да 18-й гадзіны вечара.
Некаторыя людзі не пасьпелі перадаць свае перадачы, некаторыя працягваюць шукаць сваіх сваякоў і блізкіх, бо ведаюць, што яны зьняволеныя, але ня ведаюць, дзе яны знаходзяцца. У турме ля ўваходаў вывешаны сьпіс вязьняў, але ён няпоўны – там імёны каля 200 чалавек, але як вядома, сапраўдная колькасьць затрыманых значна большая. Міліцыянты адмаўляюцца паведамляць, дзе астатнія – магчыма, ня ведаюць, магчыма, маюць адпаведныя інструкцыі. Факт застаецца фактам, да сёньняшняга дня многія людзі ня ведаюць, дзе знаходзяцца іх блізкія, якія, як яны даведаліся, асуджаныя на кароткія тэрміны зьняволеньня.
