Актывістаў штабоў апазыцыйных кандыдатаў на Гарадзеншчыне турбуе тое, што нават у дзень галасаваньня выбарцы ня здолеюць пазнаёміцца з праграмамі іх кандыдатаў, у лепшым выпадку пабачаць толькі іх партрэты зь біяграфіямі.
Ужо сёньня непакой выклікаў той факт, што на ўчастках для галасаваньня не паўсюль падрыхтаваныя стэнды з плякатамі кандыдатаў і іх праграмамі. Хаця, згодна з заканадаўствам, яны павінны вісець на ўчастках ужо з 3-га сьнежня.
Вось што распавядае адна з актывістак кандыдата ў прэзыдэнты Віталя Рымашэўскага ў Мастах, якая наведала сёньня пяць участкаў для галасаваньня.
Спадарыня: “Я заходзіла, да прыкладу, у школы №2 і №5, бо хацела разьвесіць праграмы сваіх кандыдатаў, а там стэндаў наагул няма. Зьвярнулася да старшыні камісіі — той сказаў, што ня ведае, калі яны будуць. А дырэктар школы №2 сказаў, што сёньня ўвечары патэлефануе ў камісію”.
Слонімскі актывіст выбарчага штабу Рыгора Кастусёва таксама сутыкнуўся з падобнай праблемай на асобных участках. Але найболей яго ўразіла тое, што людзі наагул не арыентуюцца — калі і дзе дазволена вывешваць агітацыйныя матэрыялы, хаця дзеля гэтага прымаюцца адмысловыя рашэньні тэрытарыяльных камісій.
Спадар: “Выдзелены адмысловыя месцы пад гэта. І здавалася, усе, ад каго гэта залежыць, павінны ведаць. А я заходжу сёньня на адно з аддзяленьняў сувязі, а мне там кажуць, што нічога ня ведаюць. Паказваю рашэньне райвыканкаму, толькі тады — маўляў, клейце там. Карацей, ніхто нідзе ніякага паняцьця пра гэтыя выбары…”.
Актывістаў турбуе той факт, што на стэндах, якія ўжо ёсьць на ўчастках, вісяць плякаты Цэнтравыбаркаму з 10 кандыдатамі і іх біяграфіямі, а месца для праграмаў кандыдатаў на гэтых стэндах не засталося.
Назіральнік з Горадні Раман Юргель 3 сьнежня пайшоў на ўчастак, каб зарэгістравацца там на пэрыяд кампаніі і таксама сутыкнуўся з тым, што ўчастак, згодна з заканадаўствам, не падрыхтаваны да выбараў.
Юргель: “Другога сьнежня я прысутнічаў на паседжаньні Гарадзенскай абласной тэрытарыяльнай камісіі разам з міжнароднымі назіральнікамі зь Вялікабрытаніі і Даніі. І старшыня камісіі Валеры Саўко запэўніў нас, што 3 сьнежня на ўчастках будуць разьмешчаны ўсе дадзеныя пра кандыдатаў у дэпутаты”.
Сакратар Мастоўскай тэрытарыяльнай камісію на пытаньне, чаму дагэтуль ня ўсе ўчасткі падрыхтаваныя да выбараў, як гэтага патрабуе заканадаўства, адказала:
Спадарыня: “Толькі сёньня пасьля абеду аддалі мне плякаты”.
Карэспандэнт: “Дык гэта плякаты Цэнтравыбаркаму, а праграмы кандыдатаў?”.
Спадарыня: “Тут я вам нічога сказаць не магу, бо мне сёньня аддалі плякаты толькі са здымкамі і аўтабіяграфіямі. З праграмамі мне пакуль не давалі”.
Ужо сёньня непакой выклікаў той факт, што на ўчастках для галасаваньня не паўсюль падрыхтаваныя стэнды з плякатамі кандыдатаў і іх праграмамі. Хаця, згодна з заканадаўствам, яны павінны вісець на ўчастках ужо з 3-га сьнежня.
Вось што распавядае адна з актывістак кандыдата ў прэзыдэнты Віталя Рымашэўскага ў Мастах, якая наведала сёньня пяць участкаў для галасаваньня.
Спадарыня: “Я заходзіла, да прыкладу, у школы №2 і №5, бо хацела разьвесіць праграмы сваіх кандыдатаў, а там стэндаў наагул няма. Зьвярнулася да старшыні камісіі — той сказаў, што ня ведае, калі яны будуць. А дырэктар школы №2 сказаў, што сёньня ўвечары патэлефануе ў камісію”.
Слонімскі актывіст выбарчага штабу Рыгора Кастусёва таксама сутыкнуўся з падобнай праблемай на асобных участках. Але найболей яго ўразіла тое, што людзі наагул не арыентуюцца — калі і дзе дазволена вывешваць агітацыйныя матэрыялы, хаця дзеля гэтага прымаюцца адмысловыя рашэньні тэрытарыяльных камісій.
Карацей, ніхто нідзе ніякага паняцьця пра гэтыя выбары…
Актывістаў турбуе той факт, што на стэндах, якія ўжо ёсьць на ўчастках, вісяць плякаты Цэнтравыбаркаму з 10 кандыдатамі і іх біяграфіямі, а месца для праграмаў кандыдатаў на гэтых стэндах не засталося.
Назіральнік з Горадні Раман Юргель 3 сьнежня пайшоў на ўчастак, каб зарэгістравацца там на пэрыяд кампаніі і таксама сутыкнуўся з тым, што ўчастак, згодна з заканадаўствам, не падрыхтаваны да выбараў.
Юргель: “Другога сьнежня я прысутнічаў на паседжаньні Гарадзенскай абласной тэрытарыяльнай камісіі разам з міжнароднымі назіральнікамі зь Вялікабрытаніі і Даніі. І старшыня камісіі Валеры Саўко запэўніў нас, што 3 сьнежня на ўчастках будуць разьмешчаны ўсе дадзеныя пра кандыдатаў у дэпутаты”.
Сакратар Мастоўскай тэрытарыяльнай камісію на пытаньне, чаму дагэтуль ня ўсе ўчасткі падрыхтаваныя да выбараў, як гэтага патрабуе заканадаўства, адказала:
Спадарыня: “Толькі сёньня пасьля абеду аддалі мне плякаты”.
Карэспандэнт: “Дык гэта плякаты Цэнтравыбаркаму, а праграмы кандыдатаў?”.
Спадарыня: “Тут я вам нічога сказаць не магу, бо мне сёньня аддалі плякаты толькі са здымкамі і аўтабіяграфіямі. З праграмамі мне пакуль не давалі”.
