Швайцарыя: рэфэрэндум пра замежнікаў

У Швайцарыі ў нядзелю мае адбыцца рэфэрэндум. Грамадзянам краіны прапануецца адказаць на пытаньне, ці трэба высылаць з краіны замежных грамадзянаў, калі яны зробяць цяжкае злачынства, альбо будуць "злоўжываць сацыяльнай дапамогай".

Ініцыятарам галасаваньня выступіла праварадыкальная Швайцарская народная партыя. Год таму на падобным рэфэрэндуме швайцарцы ўхвалілі забарону на будаўніцтва новых мінарэтаў.