Паседжаньне Рады беларускай інтэлігенцыі ў рамках круглага стала з кандыдатамі ў прэзыдэнты Беларусі ад дэмакратычнай супольнасьці, якое заплянаванае на 3-га жніўня, можа стаць апошнім. Кіраўніцтва Рады папярэджвае: альбо будзе прызначаная канчатковая дата вызначэньня адзінага кандыдата, альбо Рада складзе зь сябе паўнамоцтвы пасярэдніка ў гэтым працэсе.
Старшыня Рады беларускай інтэлігенцыі Ўладзімер Колас спадзяецца, што кворум на заўтрашнім сходзе будзе:
Уладзімер Колас «3 жніўня паседжаньне адбудзецца. Большасьць сяброў Рады, якія знаходзяцца ў Менску (некаторыя цяпер на вакацыях), пацьвердзілі, што прыйдуць на паседжаньне».
Уладзімер Колас лічыць: далей цягнуць з вызначэньнем «адзінага» немагчыма. Таму гэты круглы стол можа быць вырашальным:
«Канчатковая дата ці спыненьне гэтага працэсу? Я лічу, што адказнасьць таксама ляжыць на ўсіх прэтэндэнтах у прэзыдэнты. У прынцыпе, ніхто зь іх не адмаўляўся ад удзелу ў круглым стале. Але тое, што перамовы зацягваюцца і тэрмінаў канчатковых так і не відаць, выклікае вялікую занепакоенасьць».
Кандыдат у прэзыдэнты Валеры Фралоў заўтра на паседжаньне ня прыйдзе. Яму тэрмінова трэба быць у Маскве, і мой званок засьпеў яго ў прыгарадзе расейскай сталіцы. Спадар Фралоў, зь ягоных слоў, сёньня з раніцы ўжо папярэдзіў Уладзімера Коласа пра немагчымасьць прысутнічаць на круглым стале.
Валеры Фралоў Ідэю вызначэньня адзінага кандыдата з дапамогай інтэлігенцыі генэрал Фралоў называе «цудоўнай, але малаверагоднай з-за амбіцыяў прэтэндэнтаў»:
«У мяне такое прадчуваньне, што мы нікуды ня дзенемся. Мы аб’яднаемся. Акрамя двух кандыдатаў. Тыя, як мне падаецца, кроку насустрач ня зробяць. А астатнія аб’яднаюцца. Аб’яднаюцца пад моцнага».
А на маё пытаньне — хто, калі ня Рада, вызначыць гэтага моцнага? — Валеры Фралоў адказаў так:
«Ён сам абазначыцца. І, я думаю, усе астатнія, разумеючы сытуацыю, з задавальненьнем зь ім папрацуюць. Тым больш, наколькі я ведаю, значная частка прэтэндэнтаў менавіта так і гатовая працаваць».
Аляксандар Мілінкевіч Лідэр руху «За свабоду» Аляксандар Мілінкевіч кажа, што пазыцыя руху ў гэтым пытаньні ўжо агучаная, і Ўладзімер Колас яе добра ведае:
«Мы ня можам да таго, пакуль будзе вызначаны адзіны, сказаць, што падтрымаем любога. Мы гатовыя падтрымаць толькі таго, хто мае аднолькавыя з намі каштоўнасьці. Таму мы прапанавалі ім дзейнічаць такім чынам — няхай яны выбіраюць „адзінага“. І калі ён будзе абраны, мы гатовыя яго падтрымаць, калі гэты чалавек будзе адпавядаць вядомым каштоўнасьцям — дэмакратыя, незалежнасьць, шлях у Эўропу. І, акрамя таго, ён будзе мець рэсурсы і стратэгію выкананьня гэтага пляну».
Старшыня Рады беларускай інтэлігенцыі Ўладзімер Колас спадзяецца, што кворум на заўтрашнім сходзе будзе:
Уладзімер Колас лічыць: далей цягнуць з вызначэньнем «адзінага» немагчыма. Таму гэты круглы стол можа быць вырашальным:
«Канчатковая дата ці спыненьне гэтага працэсу? Я лічу, што адказнасьць таксама ляжыць на ўсіх прэтэндэнтах у прэзыдэнты. У прынцыпе, ніхто зь іх не адмаўляўся ад удзелу ў круглым стале. Але тое, што перамовы зацягваюцца і тэрмінаў канчатковых так і не відаць, выклікае вялікую занепакоенасьць».
Кандыдат у прэзыдэнты Валеры Фралоў заўтра на паседжаньне ня прыйдзе. Яму тэрмінова трэба быць у Маскве, і мой званок засьпеў яго ў прыгарадзе расейскай сталіцы. Спадар Фралоў, зь ягоных слоў, сёньня з раніцы ўжо папярэдзіў Уладзімера Коласа пра немагчымасьць прысутнічаць на круглым стале.
«У мяне такое прадчуваньне, што мы нікуды ня дзенемся. Мы аб’яднаемся. Акрамя двух кандыдатаў. Тыя, як мне падаецца, кроку насустрач ня зробяць. А астатнія аб’яднаюцца. Аб’яднаюцца пад моцнага».
А на маё пытаньне — хто, калі ня Рада, вызначыць гэтага моцнага? — Валеры Фралоў адказаў так:
«Ён сам абазначыцца. І, я думаю, усе астатнія, разумеючы сытуацыю, з задавальненьнем зь ім папрацуюць. Тым больш, наколькі я ведаю, значная частка прэтэндэнтаў менавіта так і гатовая працаваць».
«Мы ня можам да таго, пакуль будзе вызначаны адзіны, сказаць, што падтрымаем любога. Мы гатовыя падтрымаць толькі таго, хто мае аднолькавыя з намі каштоўнасьці. Таму мы прапанавалі ім дзейнічаць такім чынам — няхай яны выбіраюць „адзінага“. І калі ён будзе абраны, мы гатовыя яго падтрымаць, калі гэты чалавек будзе адпавядаць вядомым каштоўнасьцям — дэмакратыя, незалежнасьць, шлях у Эўропу. І, акрамя таго, ён будзе мець рэсурсы і стратэгію выкананьня гэтага пляну».
