Заяўка на правядзеньне сходу ініцыятыўнай групы па правядзеньні агульнанацыянальнага рэфэрэндуму пададзеная сёньня ў Менскі гарвыканкам. Арганізатары хочуць сабрацца а другой гадзіне дня 28 лютага на плошчы Бангалор і разьлічваюць, што ў ініцыятыўную групу запішацца да 1000 чалавек. Пасьля сходу дакумэнты на рэгістрацыю ініцыятыўнай групы будуць пададзеныя ў Цэнтравыбаркам.
На ўсеагульны рэфэрэндум БНФ хоча вынесьці пытаньне: «Ці падтрымліваеце вы захаваньне памеру мытных пошлін на ўвоз у Рэспубліку Беларусь легкавых аўтамабіляў замежнай вытворчасьці на ўзроўні 26 лістапада 2009 году?» Арганізатары разьлічваюць, што ў іх ініцыятыўную групу ўвойдуць ня толькі партыйныя актывісты. Гаворыць намесьнік старшыні Партыі БНФ Ігар Лялькоў:
«Мы зьбіраемся, пачынаючы з гэтых выходных, арганізоўваць такія лятучыя групы на аўтарынках, па горадзе, дзеля таго, каб фіксаваць патэнцыйных сябраў ініцыятыўнай групы».
Ігар Лялькоў, Аляксей ЯнукевічЗгодна з папярэднімі падлікамі, мыта на імпартныя машыны ў рамках Мытнага саюзу можа вырасьці ў шмат разоў — што зробіць нават ужываныя аўтамабілі недаступнымі большасьці беларусаў. Рэфэрэндум можа палітычна і юрыдычна спыніць такія намеры ўладаў, перакананы лідэр Партыі БНФ Аляксей Янукевіч:
«Гэтая кампанія, гэтая ініцыятыва павінна скончыцца тым, што мыта ня будзе падвышана. Гэтае пытаньне тычыцца кожнага. На сёньня няма ніводнага чалавека, які б быў зацікаўлены ў падвышэньні мыта на імпартныя аўтамабілі на некалькі тысячаў даляраў. І мы перакананыя, што ў тым выпадку, калі група будзе зарэгістраваная, мы лёгка зьбярэм ня тое што 450 тысячаў, патрэбных паводле закону, мы зьбярэм больш за мільён подпісаў. І мы перакананыя, што на гэтым рэфэрэндуме адказ будзе абсалютна адназначны — людзі выкажуцца супраць падвышэньня мыта на легкавікі», — заявіў старшыня партыі БНФ Аляксей Янукевіч.
Ініцыятары мяркуюць, што пры пазытыўным вырашэньні арганізацыйных пытаньняў сам рэфэрэндум можна будзе правесьці ў траўні-чэрвені гэтага году.
На ўсеагульны рэфэрэндум БНФ хоча вынесьці пытаньне: «Ці падтрымліваеце вы захаваньне памеру мытных пошлін на ўвоз у Рэспубліку Беларусь легкавых аўтамабіляў замежнай вытворчасьці на ўзроўні 26 лістапада 2009 году?» Арганізатары разьлічваюць, што ў іх ініцыятыўную групу ўвойдуць ня толькі партыйныя актывісты. Гаворыць намесьнік старшыні Партыі БНФ Ігар Лялькоў:
«Мы зьбіраемся, пачынаючы з гэтых выходных, арганізоўваць такія лятучыя групы на аўтарынках, па горадзе, дзеля таго, каб фіксаваць патэнцыйных сябраў ініцыятыўнай групы».
«Гэтая кампанія, гэтая ініцыятыва павінна скончыцца тым, што мыта ня будзе падвышана. Гэтае пытаньне тычыцца кожнага. На сёньня няма ніводнага чалавека, які б быў зацікаўлены ў падвышэньні мыта на імпартныя аўтамабілі на некалькі тысячаў даляраў. І мы перакананыя, што ў тым выпадку, калі група будзе зарэгістраваная, мы лёгка зьбярэм ня тое што 450 тысячаў, патрэбных паводле закону, мы зьбярэм больш за мільён подпісаў. І мы перакананыя, што на гэтым рэфэрэндуме адказ будзе абсалютна адназначны — людзі выкажуцца супраць падвышэньня мыта на легкавікі», — заявіў старшыня партыі БНФ Аляксей Янукевіч.
Ініцыятары мяркуюць, што пры пазытыўным вырашэньні арганізацыйных пытаньняў сам рэфэрэндум можна будзе правесьці ў траўні-чэрвені гэтага году.
