Паводле рашэньня партыі БНФ плянуецца правесьці плебісцыт наконт павышэньня мыта на аўтамабілі ў рамках Мытнага саюзу.
Партыя БНФ, а таксама іншыя суб’екты Беларускага незалежніцкага блёку маюць намер згуртаваць у ініцыятыўную групу да тысячы чалавек, якія будуць зьбіраць подпісы за правядзеньне такога рэфэрэндуму.
“На сёньня няма ніводнага чалавека, які б быў зацікаўлены ў падвышэньні мыта на імпартныя аўтамабілі. Мы можам сабраць больш за мільён подпісаў”, — заявіў старшыня партыі БНФ Аляксей Янукевіч.
Ініцыятары мяркуюць, што рэфэрэндум можна будзе правесьці ў траўні-чэрвені гэтага году. Мэта рэфэрэндуму — паўплываць на беларускае кіраўніцтва, каб яно не пагаджалася на падвышанае мыта ў рамках Мытнага саюзу.
