Галоўны эпідэміёляг Міністэрства аховы здароўя Іна Карабан:
“Я ня маю права даваць інфармацыю без дазволу кіраўніцтва. Патэлефануйце ў прыёмную Валянціны Іванаўны, калі яна дасьць дазвол — я распавяду”.
Сакратарка галоўнага санітарнага лекара краіны з самой Валянцінай Качан не злучыла, а перадала словы шэфа — зьвяртацца ў прэсавую службу.
Супрацоўніца прэсавай службы трымалася цьвёрда, а потым параіла лепш змагацца з паленьнем:
“Літаральна цягам сёньняшняга дня будзе на сайце прэс-рэліз, і вы выкарыстаеце гэту інфармацыю. Яна будзе. Чаму замоўчваем? Яна будзе”.
Карэспандэнтка: “Зноў лічбы ад 10 лістапада? Дык мы іх на памяць ведаем — 185 выпадкаў...”
“Вы ўбачыце інфармацыю, якая будзе на сайце. А сёньня ж дзень барацьбы з паленьнем, на шкоднасьць паленьня зрабіце акцэнт, падтрымайце. Менш бы палілі, было б менш і грыпу, быў бы добры імунітэт...”
БелТА 19 лістапада паведаміла, што ў 13 чалавек, якія памерлі ад пнэўманіі, знойдзены вірус грыпу A/H1N1. Колькі ўсяго памерла ад пнэўманіі, не ўдакладняецца. У аддзяленьнях рэанімацыі і інтэнсіўнай тэрапіі знаходзяцца 763 чалавекі, зь іх 43 дзіцяці.
Галоўны лекар Упраўленьня аховы здароўя Берасьцейскага аблвыканкаму Ігар Ласіцкі пацьвердзіў, што ўсяго ў вобласьці з пачатку месяца ад пнэўманіі памёр 21 чалавек. У абласным дзіцячым шпіталі з пнэўманіяй ляжаць 42 дзіцяці, двое — у рэанімацыі. Цэнтральны гарадзкі шпіталь Берасьця штодня прымае па 20—25 новых хворых. Усяго ад пнэўманіі лекуюцца 242 чалавекі, 13 зь іх у рэанімацыі.
Галоўны лекар Ўпраўленьня аховы здароўя Магілёўскага аблвыканкаму Аляксандар Старавойтаў паведаміў, што ад пнэўманіі памерлі 27 чалавек, у аднаго зь нябожчыкаў выяўлены вірус А/H1N1.
Не зьмяншаецца колькасьць хворых на пнэўманію і ў менскіх шпіталях, кажа лекар аднаго зь іх:
“У нашай клініцы 6 аддзяленьняў перапрафіляваныя пад пульманалёгію. Ня менее людзей. Учора за суткі 10 паступіла толькі ў наша аддзяленьне. Паліклінікі крыху перастрахоўваюцца, канечне. Неяк далі ў першы час антыбіётыкі, а зараз іх не хапае. Сёньня ня ведаю, што будзе, ня ведаю. Праўда, далі крышку таміфлю”.
Супрацоўніца прэсавай службы Міністэрства аховы здароўя Раіса Чудук, што да праблемы з антыбіётыкамі, кажа:
“У міністэрства такая інфармацыя яшчэ не паступала, што ў кагосьці няма лекаў для лячэньня пнэўманіі”.
60 тысяч упаковак таміфлю ў якасьці гуманітарнай дапамогі паставіла ў шпіталі краіны Ўсясьветная арганізацыя аховы здароўя. У аптэках таміфлю прадаюць толькі па рэцэптах з круглай пячаткай. Гэта скарысталі дзялкі, якія прывозяць таміфлю з Расеі і прадаюць утрая даражэй.
“Я ня маю права даваць інфармацыю без дазволу кіраўніцтва. Патэлефануйце ў прыёмную Валянціны Іванаўны, калі яна дасьць дазвол — я распавяду”.
Сакратарка галоўнага санітарнага лекара краіны з самой Валянцінай Качан не злучыла, а перадала словы шэфа — зьвяртацца ў прэсавую службу.
Супрацоўніца прэсавай службы трымалася цьвёрда, а потым параіла лепш змагацца з паленьнем:
“Літаральна цягам сёньняшняга дня будзе на сайце прэс-рэліз, і вы выкарыстаеце гэту інфармацыю. Яна будзе. Чаму замоўчваем? Яна будзе”.
Карэспандэнтка: “Зноў лічбы ад 10 лістапада? Дык мы іх на памяць ведаем — 185 выпадкаў...”
“Вы ўбачыце інфармацыю, якая будзе на сайце. А сёньня ж дзень барацьбы з паленьнем, на шкоднасьць паленьня зрабіце акцэнт, падтрымайце. Менш бы палілі, было б менш і грыпу, быў бы добры імунітэт...”
БелТА 19 лістапада паведаміла, што ў 13 чалавек, якія памерлі ад пнэўманіі, знойдзены вірус грыпу A/H1N1. Колькі ўсяго памерла ад пнэўманіі, не ўдакладняецца. У аддзяленьнях рэанімацыі і інтэнсіўнай тэрапіі знаходзяцца 763 чалавекі, зь іх 43 дзіцяці.
Галоўны лекар Упраўленьня аховы здароўя Берасьцейскага аблвыканкаму Ігар Ласіцкі пацьвердзіў, што ўсяго ў вобласьці з пачатку месяца ад пнэўманіі памёр 21 чалавек. У абласным дзіцячым шпіталі з пнэўманіяй ляжаць 42 дзіцяці, двое — у рэанімацыі. Цэнтральны гарадзкі шпіталь Берасьця штодня прымае па 20—25 новых хворых. Усяго ад пнэўманіі лекуюцца 242 чалавекі, 13 зь іх у рэанімацыі.
Галоўны лекар Ўпраўленьня аховы здароўя Магілёўскага аблвыканкаму Аляксандар Старавойтаў паведаміў, што ад пнэўманіі памерлі 27 чалавек, у аднаго зь нябожчыкаў выяўлены вірус А/H1N1.
Не зьмяншаецца колькасьць хворых на пнэўманію і ў менскіх шпіталях, кажа лекар аднаго зь іх:
“У нашай клініцы 6 аддзяленьняў перапрафіляваныя пад пульманалёгію. Ня менее людзей. Учора за суткі 10 паступіла толькі ў наша аддзяленьне. Паліклінікі крыху перастрахоўваюцца, канечне. Неяк далі ў першы час антыбіётыкі, а зараз іх не хапае. Сёньня ня ведаю, што будзе, ня ведаю. Праўда, далі крышку таміфлю”.
Супрацоўніца прэсавай службы Міністэрства аховы здароўя Раіса Чудук, што да праблемы з антыбіётыкамі, кажа:
“У міністэрства такая інфармацыя яшчэ не паступала, што ў кагосьці няма лекаў для лячэньня пнэўманіі”.
60 тысяч упаковак таміфлю ў якасьці гуманітарнай дапамогі паставіла ў шпіталі краіны Ўсясьветная арганізацыя аховы здароўя. У аптэках таміфлю прадаюць толькі па рэцэптах з круглай пячаткай. Гэта скарысталі дзялкі, якія прывозяць таміфлю з Расеі і прадаюць утрая даражэй.
