Палітоляг Андрэй Фёдараў: “Эўразьвязу будзе прасьцей прымаць рашэньні і ў дачыненьнях зь Беларусьсю”

“Калі будзе станоўчы вынік, то ў такім разе будзе больш цэнтралізаваная ўлада ў Эўразьвязе. Там будзе адзіны прэзыдэнт, міністар замежных спраў (ці аналяг гэтаму), і тады будзе магчымасьць значна прасьцей прымаць пэўныя рашэньні, у тым ліку і ў дачыненьнях зь Беларусьсю. Так званай бюракратыі будзе крыху меней. Ва ўсялякім разе, так мяркуецца.

Як сьведчаць апытаньні, цяпер у Ірляндыі большасьць усё ж жадае прагаласаваць. Тым больш, што эканамічны крызіс таксама спрыяе таму, каб усе эўрапейскія краіны аб’ядналіся”.