Калегія Менскага гарадзкога суду не задаволіла пазоў, пададзены да “Советской Белоруссии” грамадзянкай Галінай Юбко, старшынёй грамадзкай ініцыятывы “Жанчыны супроць беззаконьня ў судох і пракуратуры”. Больш за месяц таму пазоў да газэты адміністрацыі Аляксандра Лукашэнкі адхіліў Савецкі раённы суд Менску.
Галіна Юбко палічыла абразай зьвесткі, якія ў лютым распаўсюдзіла газэта адносна ініцыятывы “Жанчыны супроць беззаконьня ў судох і пракуратуры”. Пра жанчын, якія незадаволеныя некаторымі судовымі прысудамі, газэта напісала, што яны нібыта “ціснуць на суды празь сьлёзы і мольбы”. Галіна Юбко, якая сама прызнаная судом пацярпелай, але ўжо некалькі гадоў ня можа дамагчыся вырашэньня справы, заяўляла ў судзе, што “заўсёды дзейнічала выключна законнымі захадамі і дамагаецца правоў, гарантаваных Канстытуцыяй”.
“Суд прадэманстраваў, што ў Беларусі ня ўсе роўныя перад законам”, — заявіла “Свабодзе” юрыстка Тамара Сяргей. Актывістка сказала, што яны будуць падаваць у Вярхоўны суд наглядную скаргу. “А калі і там не атрымаецца, будзем скардзіцца ў эўрапейскія структуры, бо відавочна, што парушаная Дэклярацыя аб грамадзянскіх правах, якую Беларусь падпісала”, — сказала юрыст ініцыятывы “Жанчыны супроць беззаконьня ў судох і пракуратуры” Тамара Сяргей.
Галіна Юбко палічыла абразай зьвесткі, якія ў лютым распаўсюдзіла газэта адносна ініцыятывы “Жанчыны супроць беззаконьня ў судох і пракуратуры”. Пра жанчын, якія незадаволеныя некаторымі судовымі прысудамі, газэта напісала, што яны нібыта “ціснуць на суды празь сьлёзы і мольбы”. Галіна Юбко, якая сама прызнаная судом пацярпелай, але ўжо некалькі гадоў ня можа дамагчыся вырашэньня справы, заяўляла ў судзе, што “заўсёды дзейнічала выключна законнымі захадамі і дамагаецца правоў, гарантаваных Канстытуцыяй”.
“Суд прадэманстраваў, што ў Беларусі ня ўсе роўныя перад законам”, — заявіла “Свабодзе” юрыстка Тамара Сяргей. Актывістка сказала, што яны будуць падаваць у Вярхоўны суд наглядную скаргу. “А калі і там не атрымаецца, будзем скардзіцца ў эўрапейскія структуры, бо відавочна, што парушаная Дэклярацыя аб грамадзянскіх правах, якую Беларусь падпісала”, — сказала юрыст ініцыятывы “Жанчыны супроць беззаконьня ў судох і пракуратуры” Тамара Сяргей.
