Паводле актывістаў, сябе ён назваў Андрэем. Гутарылі яны зь ім у службовым памяшканьні магілёўскага ліцэю № 7. Там хлопцы вучацца. Свой візыт ён патлумачыў неабходнасьцю папярэдзіць іх пра недапушчальнасьць удзелу ў незарэгістраваных моладзевых арганізацыях.
“За гэта могуць выключыць з навучальнай установы”, — пераказваюць словы супрацоўніка КДБ хлопцы.
“Паводзіў ён сябе карэктна й стараўся падкрэсьліць сваю інфармаванасьць у справах моладзевых дэмакратычных асяродкаў Магілёва і іх мерапрыемстваў. Гутарка доўжылася каля гадзіны. Ці прыйдзе ён яшчэ, не сказаў”, — зазначаюць актывісты.
