"Мы чарговым разам выходзім на добрыя лічбы", -- адзначыў кіраўнік Расеі, прымаючы сёньня ў сочынскай рэзыдэнцыі Аляксандра Лукашэнку.
Аналітыкі зьвяртаюць увагу на тое, што расейскі прэзыдэнт прапанаваў госьцю з Менску не абмяжоўвацца эканамічнымі і сацыяльнымі пытаньнямі, але і разгледзець міжнародныя праблемы. Прынамсі, «тую агрэсію, якая была зьдзейсненая Грузыяй ў дачыненьні да мірнага насельніцтва Паўднёвай Асэтыі» -- сказаў Дзьмітры Мядзьведзеў.
Многія аналітыкі, як у Маскве, так і ў Менску напярэдадні сочынскай сустрэчы адзначалі: Крэмаль незадаволены тым, што ягоны бліжэйшы саюзнік публічна не выказаўся ў падтрымку дзеяньняў Раесі ў каўказкай вайне.
