“Чарговым разам улада даказала, што яе словы і справы разыходзяцца. А што, мяняць стратэгію? Гэта было вядома. А раней дапускалі? Ці раней уключалі ў камісіі?” — задае рытарычныя пытаньні палітык.
“Сёньня ёсьць пазыцыя аб’яднаных дэмакратычных сілаў па пытаньні выбараў. На этапе фармаваньня камісіяў улада зноў атрымала двойку. А што далей будуць рабіць аб’яднаныя дэмакратычныя сілы, яны вырашаць 31 жніўня”, — заявіў спадар Калякін.
Ён таксама падзяліўся ўласнай думкай: “Я супраць таго, каб здымаць кандыдатуры. Выбыцьцё з выбарчай кампаніі нічога дэмакратычным сілам не дае, а толькі палягчае жыцьцё ўладзе. Трэба ісьці да канца і на ўсіх этапах даказваць, што ўлада не праводзіць празрыстых і дэмакратычных выбараў. Зыходзячы з гэтага, будуць зробленыя ацэнкі: міжнародная і ўнутраная”.
