Юрась Губарэвіч разьлічвае на перамогу ў кампаніі:
“Інакш бы я не ішоў на гэтыя выбары, каб ня верыў у посьпех. Лічу, шмат будзе залежаць ад таго, як будзе праведзеная агітацыйная кампанія, колькі будзе рэальных магчымасьцяў сустракацца з выбарцамі, — перадусім у працоўных калектывах, распаўсюджваць інфармацыю, — карацей, магчымасьці, якіх мы ня мелі раней”.
Намесьнік старшыні Бярозаўскага гарвыканкаму па ідэалёгіі Яўген Тарасюк запэўніў: магчымасьці абсалютна ва ўсіх кандыдатаў — роўныя:
“Яны ўсе маюць у мяне аднолькавыя шанцы. Мая сёньня задача — выбары празрыстыя, дэмакратычныя, каб Радыё Свабода напісала, што выбары прайшлі лепш, чым у Штатах. Таму што там нельга за сто мэтраў падысьці да выбарчага ўчастку, калі ты ня выбарца. А мы пусьцім усіх на ўчасткі, каб усе паглядзелі і сказалі: ходзяць, хто хоча, і глядзяць, як праводзяцца выбары!”
