А 6-й вечара на Кастрычніцкай плошчы сабралося каля паўсотні актывістаў моладзевага дэмакратычнага руху. Сярод іх быў лідэр АГП Анатоль Лябедзька, а таксама прадстаўнікі прадпрымальніцкага руху. Яны прыйшлі з партрэтамі Андрэя Кіма, Зьмітра Лісяенкі, Сяргея Парсюкевіча. Акцыю прысьвяцілі справе, якую назвалі "справай 14-ці". Яшчэ трох актывістаў будуць судзіць па гэтай справе 23 траўня. Яны таксама прыйшлі на плошчу і выказалі ўсім падзяку.
Прысутных спэцназаўцаў у форме было спачатку значна менш, чым удзельнікаў акцыі. Яны выклікалі падмацаваньне і зрабілі так званую "зачыстку" – людзей выдалілі ў плошчы ў бок дзяржаўнага цырку на вуліцы Янкі Купалы. У выніку абышлося без затрыманьняў. Моладзь некалькі разоў яшчэ спрабавала прарвацца на плошчу, але гэта не дало ніякага плёну. На гэтым акцыя скончылася.
