Рада гомельскай абласной арганізацыі Аб’яднанай грамадзянскай партыі падала заяўку ў гарвыканкам на правядзеньне мітынгу з нагоды 20 угодак чарнобыльскай катастрофы. Дазвол прасілі на 25 красавіка, якое наступіць акурат праз тыдзень. Уладзімер Кацора мусіў адказваць за захаваньне парадку ў часе меркаванай акцыі. Паводле Пятра Барысава, адваката спадара Кацоры, падставай да судовага разьбіраньня сталі некалькі ўлётак, знойдзеных у гомельскага дэмакрата. Там была інфармацыя пра тое, што актывісты дэмакратычнага руху падалі заяўку ў выканкам на правядзеньне жалобнага мітынгу з нагоды ўгодкаў чарнобыльскай трагедыі. Аднак ніякіх заклікаў да гамельчукоў выходзіць на вуліцы ў іх не ўтрымлівалася, што, на думку адваката, робіць абвінавачаньні на адрас Кацоры цалкам надуманымі. Кіраўнік абласной арганізацыі АГП Васіль Палякоў расказвае, у чым канкрэтна абвінавачаны ягоны намесьнік.
(Палякоў: ) “Падрыхтоўка несанкцыянаванага мітынгу. Быў адзін сьведка, які сказаў, што нібыта ён заходзіў на Палескую, 52 і Кацора яму сказаў: у любым выпадку, нават калі і не дазволяць правядзеньня мітынгу 25 красавіка, усё роўна трэба выходзіць на вуліцу і заклікаць іншых, каб яны ішлі на мітынг”.
(Карэспандэнт: ) “А сам сьведка каго прадстаўляў?”.
(Палякоў: ) “Гэта быў невядомы нам чалавек. Напрыклад, я, нягледзячы на тое, што даўно ўжо займаюся грамадзкай і палітычнай дзейнасьцю, бачыў яго сёньня ўпершыню. Прозьвішча яго Казлоў, ён прыйшоў перад пачаткам паседжаньня, а потым, калі адказаў на пытаньні, адразу ж выйшаў з залі і сышоў дадому. Ва ўсялякім разе, усе людзі, якія там былі, яго дагэтуль ня бачылі, ня ведаюць і ня памятаюць, каб ён калі-небудзь заходзіў на Палескую”.
Лёгіку прэвэнтыўных затрыманьняў спадара Кацоры ягоныя калегі тлумачаць проста: напярэдадні заплянаванага “Чарнобыльскага шляху” у Менску і аналягічных мерапрыемстваў у рэгіёнах трэба чакаць узмацненьня ціску на актывістаў апазыцыі. На пытаньне – ці дадуць гарадзкія ўлады дазвол на правядзеньне мітынгу 25 красавіка, – спадар Палякоў адказаў.
(Палякоў: ) “Пакуль дазволу няма, адказ павінен быць у чацьвер, за пяць сутак да тэрміну. Але тут, наколькі я разумею, якая мэта? Кацора як арганізатар выключаны з працэсу і яны зараз будуць адсочваць сытуацыю. Магчыма, дадуць дазвол, але затрыманьне праводзілася так, каб немагчыма было арганізаваць нейкую працу і запрасіць шырокае кола грамадзкасьці, жыхароў гораду да ўдзелу ў гэтым мерапрыемстве. Магчыма, будуць адсочваць і іншых, і ня выключана, што затрымаюць кагосьці яшчэ”.
На свабоду Ўладзімер Кацора выйдзе ўначы на 27 красавіка, ужо пасьля заканчэньня чарнобыльскіх акцый.
(Палякоў: ) “Падрыхтоўка несанкцыянаванага мітынгу. Быў адзін сьведка, які сказаў, што нібыта ён заходзіў на Палескую, 52 і Кацора яму сказаў: у любым выпадку, нават калі і не дазволяць правядзеньня мітынгу 25 красавіка, усё роўна трэба выходзіць на вуліцу і заклікаць іншых, каб яны ішлі на мітынг”.
(Карэспандэнт: ) “А сам сьведка каго прадстаўляў?”.
(Палякоў: ) “Гэта быў невядомы нам чалавек. Напрыклад, я, нягледзячы на тое, што даўно ўжо займаюся грамадзкай і палітычнай дзейнасьцю, бачыў яго сёньня ўпершыню. Прозьвішча яго Казлоў, ён прыйшоў перад пачаткам паседжаньня, а потым, калі адказаў на пытаньні, адразу ж выйшаў з залі і сышоў дадому. Ва ўсялякім разе, усе людзі, якія там былі, яго дагэтуль ня бачылі, ня ведаюць і ня памятаюць, каб ён калі-небудзь заходзіў на Палескую”.
Лёгіку прэвэнтыўных затрыманьняў спадара Кацоры ягоныя калегі тлумачаць проста: напярэдадні заплянаванага “Чарнобыльскага шляху” у Менску і аналягічных мерапрыемстваў у рэгіёнах трэба чакаць узмацненьня ціску на актывістаў апазыцыі. На пытаньне – ці дадуць гарадзкія ўлады дазвол на правядзеньне мітынгу 25 красавіка, – спадар Палякоў адказаў.
(Палякоў: ) “Пакуль дазволу няма, адказ павінен быць у чацьвер, за пяць сутак да тэрміну. Але тут, наколькі я разумею, якая мэта? Кацора як арганізатар выключаны з працэсу і яны зараз будуць адсочваць сытуацыю. Магчыма, дадуць дазвол, але затрыманьне праводзілася так, каб немагчыма было арганізаваць нейкую працу і запрасіць шырокае кола грамадзкасьці, жыхароў гораду да ўдзелу ў гэтым мерапрыемстве. Магчыма, будуць адсочваць і іншых, і ня выключана, што затрымаюць кагосьці яшчэ”.
На свабоду Ўладзімер Кацора выйдзе ўначы на 27 красавіка, ужо пасьля заканчэньня чарнобыльскіх акцый.
