Цыганкоў: «Зь якіх прычын швэдзкая амбасада вырашыла аднавіць сваю працу ў Беларусі? Яшчэ 21 сакавіка прэс-сакратар беларускага МЗС Андрэй Савіных, адказваючы на пытаньне пра швэдзкую амбасаду, заявіў: „Неабходны час для таго, каб сфармаваліся ўмовы, якія будуць працаваць на станоўчае рашэньне“. Дык на якіх умовах было прынята рашэньне аднавіць працу амбасады Швэцыі ў Беларусі? Ці патрабаваў беларускі бок ад Швэцыі нейкіх крокаў у адказ?»
Зіга: «Увесь гэты час мэта Швэцыі палягала ў тым, каб дыпляматычная прысутнасьць у Менску была адноўлена. Швэцыя і Эўразьвяз працягваюць выказваць сваю пазыцыю адносна непавагі да дэмакратыі і асноўных правоў чалавека ў Беларусі і падтрымліваюць патрабаваньне вызваліць і рэабілітаваць усіх палітвязьняў. Швэцыя надалей дзейнічае дзеля пазытыўнага разьвіцьця сытуацыі ў Беларусі праз шырокі спэктар захадаў, у тым ліку — праз дыялёг з усімі часткамі беларускага грамадзтва, а таксама дапамогу разьвіцьцю дэмакратыі ў краіне».
Цыганкоў: «Што зь беларускай амбасадай у Швэцыі? Ці могуць цяпер прыступіць да працы новы амбасадар і іншыя беларускія дыпляматы?» (У разгар дыпляматычнага канфлікту ў жніўні 2012 году швэдзкія ўлады заявілі, што новы пасол Беларусі ў Швэцыі непажаданы, і папрасілі іншых двух дыпляматаў Беларусі пакінуць краіну. — РС)
Зіга: «Калі Беларусь хоча прыслаць сваіх дыпляматаў у Швэцыю, мы гатовыя іх акрэдытаваць».
Цыганкоў: «Швэдзкая пракуратура пачала расьсьледаваньне перасячэньня літоўска-беларускай мяжы швэдзкімі грамадзянамі — гэтак званага „плюшавага дэсанту“. Ці мае гэта нейкую сувязь з аднаўленьнем працы швэдзкай амбасады ў Беларусі?»
Зіга: «Я не магу разважаць наконт матываў паводзінаў беларускага боку».
Зіга: «Увесь гэты час мэта Швэцыі палягала ў тым, каб дыпляматычная прысутнасьць у Менску была адноўлена. Швэцыя і Эўразьвяз працягваюць выказваць сваю пазыцыю адносна непавагі да дэмакратыі і асноўных правоў чалавека ў Беларусі і падтрымліваюць патрабаваньне вызваліць і рэабілітаваць усіх палітвязьняў. Швэцыя надалей дзейнічае дзеля пазытыўнага разьвіцьця сытуацыі ў Беларусі праз шырокі спэктар захадаў, у тым ліку — праз дыялёг з усімі часткамі беларускага грамадзтва, а таксама дапамогу разьвіцьцю дэмакратыі ў краіне».
Цыганкоў: «Што зь беларускай амбасадай у Швэцыі? Ці могуць цяпер прыступіць да працы новы амбасадар і іншыя беларускія дыпляматы?» (У разгар дыпляматычнага канфлікту ў жніўні 2012 году швэдзкія ўлады заявілі, што новы пасол Беларусі ў Швэцыі непажаданы, і папрасілі іншых двух дыпляматаў Беларусі пакінуць краіну. — РС)
Зіга: «Калі Беларусь хоча прыслаць сваіх дыпляматаў у Швэцыю, мы гатовыя іх акрэдытаваць».
Цыганкоў: «Швэдзкая пракуратура пачала расьсьледаваньне перасячэньня літоўска-беларускай мяжы швэдзкімі грамадзянамі — гэтак званага „плюшавага дэсанту“. Ці мае гэта нейкую сувязь з аднаўленьнем працы швэдзкай амбасады ў Беларусі?»
Зіга: «Я не магу разважаць наконт матываў паводзінаў беларускага боку».
