Пра гэта паведамляе інтэрнэт-вэрсія штотыднёвіка Der Spiegel – Spiegel Online.
«Lufthansa Technik» атрымала другі заказ ад Лукашэнкі. Размова ідзе пра «рэактыўны самалёт клясы люкс, які належыць дыктатару зь Беларусі». Выданьне паведамляе, што мэханікі ў Гамбургу рыхтуюцца працаваць з машынай Лукашэнкі Boeing 767, што прыбыла безь перашкодаў у Гамбург у пятніцу раніцай. Самалёт «мусіць быць усталяваны душам зь ювэлірным дэкорам ды залатымі шторкамі».
Гэты самалёт Лукашэнка набыў сёлета ў траўні ў туркмэнскага прэзыдэнта Гурбангулы Бердымухамедава.
Як піша Spiegel Online, прыбыцьцё ў тэхнічную службу «Люфтганзы» другой па ліку ўрадавай машыны зь Беларусі (першая была на тэхабслугоўваньні ў мінулым месяцы) выклікала вялікія дыскусіі на тэму, «наколькі маральна апраўдана для авіякампаніі браць заказы ад Лукашэнкі». Выданьне прыводзіць выказваньне старшыні транспартнага камітэту ў нямецкім Бундэстагу, палітыка з партыі «зялёных» Антона Хофрайтэра, які не разумее, «чаму кампанія працуе на дыктатара, які дае загады на сьмяротнае пакараньне, а таксама брутальна разганяе апазыцыю».
Журналісты адзначаюць, што «Люфтганза» і раней была ня надта пераборлівай у сваіх заказчыках і абслугоўвала адыёзных VIP-пэрсонаў – з Савудаўскай Арабіі, Бахрэйну, Экватарыяльнай Гвінэі.
У сваю чаргу, «Люфтганза» ўсяляк устрымліваецца ад камэнтароў адносна характару абслугоўваньня машыны Лукашэнкі.
«Lufthansa Technik» атрымала другі заказ ад Лукашэнкі. Размова ідзе пра «рэактыўны самалёт клясы люкс, які належыць дыктатару зь Беларусі». Выданьне паведамляе, што мэханікі ў Гамбургу рыхтуюцца працаваць з машынай Лукашэнкі Boeing 767, што прыбыла безь перашкодаў у Гамбург у пятніцу раніцай. Самалёт «мусіць быць усталяваны душам зь ювэлірным дэкорам ды залатымі шторкамі».
Гэты самалёт Лукашэнка набыў сёлета ў траўні ў туркмэнскага прэзыдэнта Гурбангулы Бердымухамедава.
Як піша Spiegel Online, прыбыцьцё ў тэхнічную службу «Люфтганзы» другой па ліку ўрадавай машыны зь Беларусі (першая была на тэхабслугоўваньні ў мінулым месяцы) выклікала вялікія дыскусіі на тэму, «наколькі маральна апраўдана для авіякампаніі браць заказы ад Лукашэнкі». Выданьне прыводзіць выказваньне старшыні транспартнага камітэту ў нямецкім Бундэстагу, палітыка з партыі «зялёных» Антона Хофрайтэра, які не разумее, «чаму кампанія працуе на дыктатара, які дае загады на сьмяротнае пакараньне, а таксама брутальна разганяе апазыцыю».
Журналісты адзначаюць, што «Люфтганза» і раней была ня надта пераборлівай у сваіх заказчыках і абслугоўвала адыёзных VIP-пэрсонаў – з Савудаўскай Арабіі, Бахрэйну, Экватарыяльнай Гвінэі.
У сваю чаргу, «Люфтганза» ўсяляк устрымліваецца ад камэнтароў адносна характару абслугоўваньня машыны Лукашэнкі.
