«Альтэрнатыва» пратэставала супраць прапаганды на дзяржаўнай тэлевізіі
Актывісты моладзевай арганізацыі «Альтэрнатыва» правялі флэшмоб на знак пратэсту супраць прапаганды на дзяржаўным тэлебачаньні.
Яны ўсталявалі на рагу вуліц Няміга і Гарадзкі Вал тэлевізар з выявай лягатыпу Першага беларускага тэлеканалу і расклалі на ім локшыну, таксама раскідалі локшыну навокал.
Каля тэлевізара актывісты выставілі таблічку «Ахвяраваньні на БТ» і кідалі грошы як сымбаль таго, што дзяржаўная прапаганда каштуе вельмі танна і раскіданыя актывістамі грашовыя купюры — максымум таго, чаго яна вартая.
Лідэр «Альтэрнатывы» Алег Корбан сказаў, што гэткім чынам моладзь выказала свой пратэст супраць таго, як дзяржаўная прапаганда замбуе і падае ў скажоным сьвеце тое, што адбываецца ў краіне. Гэта — адказ моладзі на дзяржаўную прапаганду.
