«Нават калі Беларусь і адпавядае фармальным патрабаваньням сяброўства ў ЭПВА, яна не павінна стаць часткай гэтай прасторы, паколькі ў Беларусі няма акадэмічнай свабоды», — цытуе выказваньне Алана Пола, старшыню Зьвязу эўрапейскіх студэнтаў, інтэрнэтны рэсурс euobserver.com.
«Гвалтоўныя рэпрэсіі супраць пратэстоўцаў, якія мы пабачылі ў сьнежні летась, кажуць усё: Беларусь недастаткова дэмакратычная, каб інтэгравацца. Гэты працэс датычыць ня толькі гарманізацыі эўрапейскай вышэйшай адукацыі, але перш за ўсё агульных акадэмічных і дэмакратычных каштоўнасьцяў», — дадаў Пол.
Эўрапейская прастора вышэйшай адукацыі (European Higher Education Area) аб’ядноўвае 47 краінаў, якія ўдзельнічаюць у гэтак званым Балёнскім працэсе — запачаткаванай у 1999 годзе праграме збліжэньня і гарманізацыі сыстэмаў вышэйшай адукацыі ў Эўропе.
Беларусь і Кіргізстан — адзіныя дзяржавы з абшару Эўропы і былога СССР, якія не належаць да ЭПВА. У Эўропе да гэтай прасторы не належаць яшчэ Косава і Паўночны Кіпр, паколькі іх дзяржаўнасьць ня мае агульнага прызнаньня.
У Бухарэсьце ў красавіку 2012 году мае адбыцца пасяджэньне міністраў вышэйшай адукацыі, на якім будзе вырашацца пытаньне сяброўства Беларусі ў ЭПВА.
Паводле euobserver.com, расклад галасоў за і супраць сяброўства Беларусі ў ЭПВА пакуль няясны. Прыкладам, Данія, якая з наступнага месяца будзе старшыняваць у Эўразьвязе, выступае за тое, каб Беларусь прыняць, аргумэнтуючы такую пазыцыю тым, што ўзмоцненыя сувязі ў сфэры адукацыі дапамогуць нейкім чынам у дэмакратызацыі краіны. Таксама вядома, дадае інтэрнэтнае выданьне, што сяброўства Беларусі ў ЭПВА падтрымаюць Вугоршчына і Славакія. Польшча і шэраг іншых краінаў Эўразьвязу выступаюць супраць.
«Гвалтоўныя рэпрэсіі супраць пратэстоўцаў, якія мы пабачылі ў сьнежні летась, кажуць усё: Беларусь недастаткова дэмакратычная, каб інтэгравацца. Гэты працэс датычыць ня толькі гарманізацыі эўрапейскай вышэйшай адукацыі, але перш за ўсё агульных акадэмічных і дэмакратычных каштоўнасьцяў», — дадаў Пол.
Эўрапейская прастора вышэйшай адукацыі (European Higher Education Area) аб’ядноўвае 47 краінаў, якія ўдзельнічаюць у гэтак званым Балёнскім працэсе — запачаткаванай у 1999 годзе праграме збліжэньня і гарманізацыі сыстэмаў вышэйшай адукацыі ў Эўропе.
Беларусь і Кіргізстан — адзіныя дзяржавы з абшару Эўропы і былога СССР, якія не належаць да ЭПВА. У Эўропе да гэтай прасторы не належаць яшчэ Косава і Паўночны Кіпр, паколькі іх дзяржаўнасьць ня мае агульнага прызнаньня.
У Бухарэсьце ў красавіку 2012 году мае адбыцца пасяджэньне міністраў вышэйшай адукацыі, на якім будзе вырашацца пытаньне сяброўства Беларусі ў ЭПВА.
Паводле euobserver.com, расклад галасоў за і супраць сяброўства Беларусі ў ЭПВА пакуль няясны. Прыкладам, Данія, якая з наступнага месяца будзе старшыняваць у Эўразьвязе, выступае за тое, каб Беларусь прыняць, аргумэнтуючы такую пазыцыю тым, што ўзмоцненыя сувязі ў сфэры адукацыі дапамогуць нейкім чынам у дэмакратызацыі краіны. Таксама вядома, дадае інтэрнэтнае выданьне, што сяброўства Беларусі ў ЭПВА падтрымаюць Вугоршчына і Славакія. Польшча і шэраг іншых краінаў Эўразьвязу выступаюць супраць.
