У польскім Уроцлаве на галоўнай плошчы гораду — Рынку — ля ратушы разгорнутая фотавыстава "Вольнасьць па-беларуску". Яна аб прэзыдэнцкіх выбарах у Беларусі 2006 і 2011 гадоў. Польская фундацыя "За вашу й нашу вольнасьць" анансуе ёю Дні беларускай культуры ва Ўроцлаве.
Паводле аднаго з арганізатараў Дзён Арцёма Дубскага, ініцыятарамі Дзён выступілі беларускія студэнты, якія вымушаныя вучыцца ў Польшчы з-за апазыцыйнай грамадзкай дзейнасьці на радзіме. Фундацыя "За вашу й нашу вольнасьць" ініцыятыву беларускай моладзі падтрымала.
Выстава на галоўнай плошчы Ўроцлава
"Днямі беларускай культуры ва Ўроцлаве мы хочам сказаць, што, нягледзячы на жыцьцёвыя складанасьці, беларусы, якія вымушаныя жыць і навучацца за межамі нашай цудоўнай краіны, будуць працаваць на яе карысьць. Адна з формаў гэтае працы — фотавыстава й самі Дні беларускай культуры. Чакаецца, што нашы мерапрыемствы наведаюць зь Беларусі Аляксандар Мілінкевіч ды Станіслаў Шушкевіч. Наведае іх і старшыня Зьвязу беларускіх палякаў Анжаліка Арэхва. Будзе паказаны спэктакль "Пінская шляхта". Будуць канцэрты й вечары салідарнасьці", - паведаміў "Свабодзе" Арцём Дубскі.
Паводле Арцёма Дубскага, акрамя польскай фундацыі "За вашу й нашу вольнасьць", падтрымаў Дні беларускай культуры мясцовы ўрад Уроцлава.
Дні беларускай культуры будуць праходзіць ва Ўроцлаве на працягу шасьці дзён. Распачнуцца яны 31 траўня адкрыцьцём выставы сучаснага жывапісу Беларусі.
Паводле аднаго з арганізатараў Дзён Арцёма Дубскага, ініцыятарамі Дзён выступілі беларускія студэнты, якія вымушаныя вучыцца ў Польшчы з-за апазыцыйнай грамадзкай дзейнасьці на радзіме. Фундацыя "За вашу й нашу вольнасьць" ініцыятыву беларускай моладзі падтрымала.
"Днямі беларускай культуры ва Ўроцлаве мы хочам сказаць, што, нягледзячы на жыцьцёвыя складанасьці, беларусы, якія вымушаныя жыць і навучацца за межамі нашай цудоўнай краіны, будуць працаваць на яе карысьць. Адна з формаў гэтае працы — фотавыстава й самі Дні беларускай культуры. Чакаецца, што нашы мерапрыемствы наведаюць зь Беларусі Аляксандар Мілінкевіч ды Станіслаў Шушкевіч. Наведае іх і старшыня Зьвязу беларускіх палякаў Анжаліка Арэхва. Будзе паказаны спэктакль "Пінская шляхта". Будуць канцэрты й вечары салідарнасьці", - паведаміў "Свабодзе" Арцём Дубскі.
Паводле Арцёма Дубскага, акрамя польскай фундацыі "За вашу й нашу вольнасьць", падтрымаў Дні беларускай культуры мясцовы ўрад Уроцлава.
Дні беларускай культуры будуць праходзіць ва Ўроцлаве на працягу шасьці дзён. Распачнуцца яны 31 траўня адкрыцьцём выставы сучаснага жывапісу Беларусі.
