Увядзеньне Эўразьвязам эканамічных санкцый у дачыненьні да Беларусі ня дасьць жаданага выніку, мяркуе міністар замежных спраў Латвіі Гіртс Валдзіс Крыстоўскіс. Такую думку ён выказаў 11 студзеня ў інтэрвію латыскаму інтэрнэт-парталу TVNET.
"Я мяркую, увядзеньне эканамічных санкцый ня дасьць жаданага выніку. Што тычыцца больш жорсткіх візавых санкцый, то іх варта абмеркаваць, узважыўшы ўсе "за" і "супраць". Лічу, што больш жорсткі візавы рэжым у дачыненьні да Лукашэнкі і беларускіх палітыкаў ня выключаны", — заявіў Крыстоўскіс.
Кіраўнік МЗС Латвіі зазначыў, што затрыманьне ў Менску прадстаўнікоў апазыцыі перапыніла працэс супрацоўніцтва паміж ЭЗ і Беларусьсю, які разьвіваўся ў апошнія гады.
Паводле слоў Крыстоўскіса, Латвія будзе фармуляваць сваю думку ў дачыненьні да санкцый супраць Беларусі ў межах агульнай пазыцыі ЭЗ.
"Я мяркую, увядзеньне эканамічных санкцый ня дасьць жаданага выніку. Што тычыцца больш жорсткіх візавых санкцый, то іх варта абмеркаваць, узважыўшы ўсе "за" і "супраць". Лічу, што больш жорсткі візавы рэжым у дачыненьні да Лукашэнкі і беларускіх палітыкаў ня выключаны", — заявіў Крыстоўскіс.
Кіраўнік МЗС Латвіі зазначыў, што затрыманьне ў Менску прадстаўнікоў апазыцыі перапыніла працэс супрацоўніцтва паміж ЭЗ і Беларусьсю, які разьвіваўся ў апошнія гады.
Паводле слоў Крыстоўскіса, Латвія будзе фармуляваць сваю думку ў дачыненьні да санкцый супраць Беларусі ў межах агульнай пазыцыі ЭЗ.
