Беларусь і Расея створаць свой шэнген

Беларусь і Расея плянуюць увесьці адзіную ўязную візу Саюзнай дзяржавы.

Пра гэта паведаміў журналістам старшыня Дзяржаўнага памежнага камітэту Беларусі Ігар Рачкоўскі.

"На аб'яднанай калегіі пагранслужбаў мы дамовіліся, што падрыхтуем сумесны дакумэнт аб стварэньні адзінай візы Саюзнай дзяржавы і прадставім яго на разгляд прэзыдэнтам", — цытуе Рачкоўскага РИА "Новости".

Тэрмінаў падрыхтоўкі дакумэнта Рачкоўскі не ўдакладніў.